DATU MITA 2 17:2 - Alkitab Singog In Mongondow Masa In Tanaa

² Binaradosa in sia kon i Tuhan, táe dosanea tua in diábí ná kobayong in dosa in datu mita in Israel inta nomarenta noiuna kon inia.

DATU MITA 2 17:2 ပူးပေါင်းရင်းမြစ်များ

DATU MITA IMITÁNEA 16:25

Ki Omri nomia kon dosa mita inta noiḻiu kon inta pinomia in datu mita inta noiuna kon inia.

DATU MITA IMITÁNEA 16:30

Dosanea kon tayowon i Tuhan in moraa-raat nongkon datu mita inta noiuna kon inia.

DATU MITA 2 13:11

Sia in binaradosa doman kon i Tuhan sin dinumudui kon raat i Datu Yerobeam inta ain nokopopisí kon intau in Israel nomia kon dosa.

DATU MITA 2 13:2

Ná doman ki Datu Yerobeam inta nomarenta noiuna kon inia, ki Yoahas in binaradosa doman kon i Tuhan bo nokopopisí kon intau in Israel binaradosa doman. Diábí kon dodai in onda in sia in nonaḷámai kon oaidnea mita inta moraat.

DATU MITA 2 15:18

Kinoouput in kobiagannea binaradosa in sia kon i Tuhan sin dinumudui kon aid moraat i Datu Yerobeam I, inta nokopopisí kon intau in Israel binaradosa.

DATU MITA 2 15:24

Binaradosa in sia kon i Tuhan sin dinumudui kon aid moraat i Datu Yerobeam I, inta nokopopisí kon intau in Israel binaradosa.

DATU MITA 2 15:9

Notongkai doman in datu mita inta nomarenta noiuna kon inia, sia in binaradosa doman kon i Tuhan. Sia in dinumudui kon aid moraat i Datu Yerobeam I, inta ain nokopopisí kon intau in Israel binaradosa.

DATU MITA 2 17:1

Kon taong noginpuḷú bo doyowa kon pinomarentaan i Datu Ahas kon Yohuda, ki Hosea ki adí i Ela in nobaḻí datu in Israel, bo nomarenta in sia kon Samaria siow notaong in koonggotnea.

DATU MITA 2 17:3

Sia in sinubu bo pinotungkud i Salmaneser datu in Asyur, dá muḷoi in taong musti in sia moguboḻi kon iba kon inia.

DATU MITA 2 21:2

Ki Manasye in binaradosa kon i Tuhan, sin dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon dodai intau in Israel sinumuot kon butá tatua.

DATU MITA 2 3:2

Nogaid in sia kon onu inta moraat kon mata i Tuhan, táe koraatnea in diábí ná moraat i Ahab bo i Izebel, guyanganea. Patong inta pinomia i amánea sin mosumba kon Baal in inumpagneadon.