DATU MITA 2 16:3 - Alkitab Singog In Mongondow Masa In Tanaa

³ Nobiag in sia naonda bo datu mita in Israel, noidapot in noposumba in adínea ḷoḷaki tontaní nobaḻí kuruban kon dewa, podudui in kabiasaan moraat in intau mita inta ain pinoguntun i Tuhan nongkon butá in Kanaan kon tungkuḷ in intau in Israel sinumuot kon butá tatua.

DATU MITA 2 16:3 ပူးပေါင်းရင်းမြစ်များ

DATU MITA IMITÁNEA 14:24

Kon tampat mita tatua mosia sumundaḷ sin mosumba kon dewa. Nodapot in ḷoḷaki mita mopobayá doman in oaidan nobaḻí sundaḷ. Intau in Yohuda nomia kon bayongan oaidan inta moromú inta pinomia in bangusa mita inta ain pinoguntun i Tuhan kon dodai in intau in Israel tumuotdon kon butá tatua.

DATU MITA 2 17:16

Mosia in iḻimimpat kon bayongan in hukum i Tuhan, Allah monia, bo nomia kon sapi doyowa nongkon logam sin sumbáan. Mosia in nomia kon patong i Dewi Asyera, mosumba kon tundi mita bo moibada kon i Dewa Baal.

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

DATU MITA 2 17:19

Intau mita in Yohuda in diádon dinumudui kon hukum mita i Tuhan, Allah monia. Mosia in dinumudui kon kabiasaan mita in intau in Israel,

DATU MITA 2 17:8

bo dinumudui kon kabiasaan in bangusa mita inta ain pinoguntun i Tuhan kon tungkuḷ in bangusa in Israel minayá nomarang kon bangusa mita tatua. Bangusa in Israel in dinumudui kon adat inta sinantúdon in datu mita in Israel,

DATU MITA 2 21:11

“Ki Datu Manasye in moraatbí totok. Oaidnea in moraa-raat nongkon oaid in intau in Kanaan. Pinongin berhala mita inta pinomianea, sia in nokopopisídon kon intau in Yohuda binaradosa.

DATU MITA 2 21:2

Ki Manasye in binaradosa kon i Tuhan, sin dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon dodai intau in Israel sinumuot kon butá tatua.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 21:9

Táe intau in Yohuda in diá motoindudui kon i Tuhan, bo ki Manasye in nokopopisídon kon i monia nogaid kon dosa inta moiḻiu in raatnea nongkon dosa inta pinomia in bangusa mita inta pinoguntun i Tuhan nongkon Kanaan kon dodai in umat in Israel sinumuot kon butá tatua.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 8:18

Sia in notonibuḷoi takin i adí i Ahab, bo ná inta pinomia in motoḷuadí i Ahab, sia in binaradosa doman kon i Tuhan ná datu mita in Israel.

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

MAZMUR 106:35

Nodapotbí in mosia inumauk kon bangusa mita tatua, bo dinumayan kon gogutú in intau mita inta diá nonotaau kon i Allah.

YESAYA 57:5

Moiko in mosumba kon dewa mita koḷumbaan takin mopomayá mako in awakmu dumudui kon ibog kon ḻimonag in pangkoi mita in kayu karamatmu. Moiko in moḷobong kon i adímu mita kon oyuk in ongkag bo kon sigad mita in batu.

YEREMIA 32:35

Mosia in noposindog in mezbah mita kon i Baal kon Ḷopá in Hinom, bo noposumba in adí mita monia kon i Dewa Molokh. Bokaka, Akuoi in diábí nokoimontanmai in nokiaid in natua kon i monia, noidapotbí in diábí kon dodai in onda in noigonúmai kon gina-Ku kon mosia in mogaid kon inta totok in moraat natua bo mokopopisí kon intau in Yohuda baradosaan.”

YEHEZKIEL 16:21

Musti doman degá gamáanmu in ki adí-Ku mita bo mopokuruban kon i monia kon berhala mita?

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 20:26

Pinomayá-Ku in mosia in noponajis in awak pinongin kuruban mita monia tontaní, nodapot in ki adí mita monia ḷoḷaki inta guya-guyang pinokuruban monia. Pinongin aid tatua Akuoi nohukum kon i monia sinbá kotaauan monia kon Akuoibí in ki Tuhan.

YEHEZKIEL 20:31

Nodapot in singgai in naa moiko in noponajis in awak pinongin nodia kon sosumba bo notubá kon i adímu mita nobaḻí kuruban kon berhala mita. Bo mokobaḻípa doman in moiko in mopoigum in topotundú nongkon i-Nakó? Podoyon kon i-Nakó, ki Allah inta nobiag, ki Tuhan Inta Totok in moḷantud, moiko in diábí ogoi-Ku in mopoigum in topotundú nongkon i-Nakó.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

IMAMAT 20:2

mopotaau in naa kon bangusa Israel, “Bayongan intau kon sigad monimu ande intau ango-angoi inta nogutun kon sigad monimu inta mopokuruban in adínea kon i Molokh, musti ara bo in bayongan intau dapot in sia matoi.

MIKHA 6:7

Degá mopia in gina i Tuhan aka kita modia poangoi kon i-Nia in ribuan domba andeka mobayong totok in ḷana in zaitun? Musti degá posumba naton kon i-Nia in ki adí naton guya-guyang mobaḻí tontobut in dosa mita naton?

ULANGAN 12:31

Pososumba in bangusa mita tatua kon ilah mita monia, dikabí dayanan monimu kon mosumba kon i Tuhan Allahmu, sin mosia in mosumba takin momia kon oaid mita inta mokotor inta kinodoí i Tuhan. Nodapot in adí mita monia tontaní tubáan monia kon tudu in mezbah mobaḻí kuruban kon i ilah mita monia.

ULANGAN 18:10

Kon sigad monimu dikabí in moposumba kon i adínea mita mobaḻí kuruban payongon. Bo dikabí tobatúmai in mobaḻí mononanow, motayak kon tanda mita, momaké in totaau ande