DATU MITA 2 14:9 - Alkitab Singog In Mongondow Masa In Tanaa

⁹ Táe ki Datu Yoas in nokidia in tontubag nanaa, “Komintanmai yo bo bonganga kon Buḷud in Libanon in mokidiabí in habar nanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu mongodeaga kon i adíku sin baḻíon ki buḷoinea.’ Táe onda intua noitaḻibdon kon tua in biag in kayuon inta noritak kon bo bonganga tatua.

DATU MITA 2 14:9 ပူးပေါင်းရင်းမြစ်များ

DATU MITA IMITÁNEA 4:33

Sia in mokosanggupbí in mosingog soaḷ pangkoi mita in kayu bo pinomuḷa mita – nongkon pangkoi in ḷokuyú in Libanon nodapot kon bonok hisop inta nobiag kon dinding mita in batu. Sia in nongonguman doman kon soaḷ bobiagon kon toba bo bobiagon ḷumoḷayug, bobiagon ḷumandai bo toyá.

TAWARIKH 2 25:18

Táe ki Datu Yoas in nokidia in tubag nanaa, “Kon singgai tobatú bo bonganga kon buḷud in Libanon nokidia in tuntutan tanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu bobay kon i adíku sin baḻíon ki buḷoinea.’ Táe noiduduimai kon tua noitaḻibdon kon tua in mahaḷuk in kayuon tobatú bo noritak kon bo bonganga tatua.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

AYUB 31:18

Nongkon mointokanpamai mosia in biniagku; kinoouput in kobiaganku kinapitku in mosia.

IḶUAIAN 3:2

Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

AMSAL 26:9

Ná intau noḷoḷangu nopoḷuai in dugi kon ḻimanea, natuata in intau bodok inta mononggina.

DONDONG MOḶANTUD 2:2

Naonda bo bungang bakung kon yuak in bo bonganga, natuata in batoḷ in dodobku kon sigad in mongodeaga mita.

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YEHEZKIEL 20:49

Táe akuoi ki Yehezkiel nomayow poḷat moguman, “Tuhan Inta Totok in moḷantud, dika potabá in akuoi moguman kon tua! Bayongan in intau ain nogamui sin akuoi in moibog mosingog pongin tangkí dá mororiga komangaḻean.”

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

KORINTUS 1 12:15

Aka sioḷ bo moguman, “Akuoi in deemanbí ḻima, tuamai akuoi in diábí notobatú in awak,” yo degá totuu kon sia tua deemanbí anggota in awak.

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,