DATU MITA 2 13:7 - Alkitab Singog In Mongondow Masa In Tanaa

⁷ Tontara mita in Israel aindon iyopú i datu in Siria dá ki Datu Yoahas in dongkadon kotontara 50 inta tumotakoi kon kabaḷo, 10 in kereta in parang, bo 10.000 in tontara.

DATU MITA 2 13:7 ပူးပေါင်းရင်းမြစ်များ

SAMUEL 2 22:43

Mosia in irimumudku naonda bo ḷobud inta noitabud, bo sinimpatanku naonda bo yoná kon daḷan.

DATU MITA IMITÁNEA 20:15

Dá ki datu in nopotabá domandon in tontara mita inta nongobagupa totakin in bupati mita. Kobayong monia tua in 232 in tontara. Onda intua inaidannea doman inta ná inaidan in tontara in Israel. Kobayong monia komintan in 7.000 intau.

DATU MITA IMITÁNEA 20:27

Intau in Israel in nobogoidon in pakakat in parangnea kon tontaranea bo nopotabá kon i monia. Bo tontara in Israel tatua in minayá noparang sinilai kon doyowa nopaanan bo nomia kon ḷoḷaigan noyogintayowan in intau mita in Siria tatua. Aka potongkaionmai in tontara in Siria inta mobarong totok tatua nodapot in nopuḻing in ḷopá, yo tontara in Israel tua in tongádon naonda bo doyowa nopaanan in bembé.

DATU MITA 2 10:32

Kon tungkuḷ intua ki Tuhan momangkoidon mogin intok kon butá kawasa in Israel. Ki Hazael datu in Siria in nogagow kon bayongan in butá in Israel

DATU MITA 2 13:8

Ouman ibanea soaḷ ki Datu Yoahas bo bayongan inta pinomianea in pinais kon bonu in buk Ouman in Datu mita in Israel.

DATU MITA 2 8:12

“Nongonu sin ki Tuang in mongombaḷbí?” iḻibó i Hazael. “Kinotaauanku in moraat inta pomiaanmu kon intau in Israel,” guman i Elisa. “Turubonmu in kotá mita inta oyúon in poḷoḷukadan, moḻimod kon tayow mobiag mita inta totok in mongopia, bo monagang kon adí mita mointok bo momotak kon sian in bobay mita inta nonogusian.”

MAZMUR 18:42

Kinumarak in mosia, táe diá in notuḷung, mosia in nokuani kon i Tuhan, táe diábí sinubagan-Nea.

YESAYA 36:8

Tanaa in akuoi podoyon kon tangoi in datu in Asyur mokobaḻí mobataru kon aka moiko ogoian in kabaḷo doyowa noribu, yo notantú bidon kon diábí tugat natua in kobayong in intaumu inta tumakoi kon kabaḷo tatua.

YESAYA 41:2

Ki ine in nopotabá kon pongawasa nongkon dotá pomukaan, bo nobogoi kon inia in kauntungan noyo-noyodudui? Ki ine in nomaḻí kon inia nonaḷow kon bangusa mita, bo nopotungkud in datu mita kon inia? Pitownea nomaḻí kon i monia noirarit naonda bo ḷobud, piotnea nopotabud kon i monia naonda bo wawa inirup in tompot.

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

AMOS 1:3

Ki Tuhan in noguman, “Intau mita in Damsyik ain nopobui-buimai in binaradosa, tuamai in notantú bidon kon hukumon in mosia. Mosia in nopoaid kon intau in Gilead pinodoyon kon aid inta totok in moḻingá,

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

SAMUEL 1 13:15

Onda intua ki Samuel nonaḷámai kon Gilgal bo nopobayádon in Gibea kon butá in Benyamin. Kon dodai intua ki Saul nonarididon kon tontaranea mita, kobayongnea in degá 600 in intau.