DATU MITA 2 13:5 - Alkitab Singog In Mongondow Masa In Tanaa

⁵ Ki Tuhan in nobogoi in itoi tobatú kon Israel inta moḷuat kon i monia nongkon kawasa in Siria dá mosia in mobiag motompiadon bui ná dungkuḷmai.

DATU MITA 2 13:5 ပူးပေါင်းရင်းမြစ်များ

DATU MITA 2 13:25

Bo ki Yoas datu in Israel nonaḷow kon i Benhadad kotoḷu bo nogamá bui kon kotá mita inta ain inagow i Benhadad kon dodai in pinomarentaan i Datu Yoahas ki amá i Yoas.

DATU MITA 2 14:25

Ki Yerobeam II tanaa inta nogagow bui kon bayongan in butá in israel, nongkon daḷan in Hamat kon utuan noidapot in Laut Mati kon toḷatan. Tua in pinodudui kon dandi i Tuhan, Allah in Israel, inta pinongin in mogogundoi-Nea, ki Nabi Yunus ki adí i Amitai intau in Gat-Heper.

DATU MITA 2 14:27

Diábí in makusud i Tuhan morimumud kon Israel kinoouput in dunia naa, tuamai in sinuḷungan-Nea in mosia pinongin i Datu Yerobeam II.

TAWARIKH 1 11:2

Nongkon koḻipodpabímai, sedang bo kon dodaipabí in ki Saul nomarentapa kon inami, ki Tuang Datubí in nobaḻí itoi in tontara in Israel pomuḷoi in mayá moparang. Apa doman ki Tuhan Allah i Tuang Datu in nodandidon kon ki Tuang Datubí in mobaḻí itoi in umat-Nea bo mobaḻí datu monia.”

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”

IḶUAIAN 4:10

Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

YESAYA 19:20

Mezbah bo oigi tatua in nobaḻí lambang koangoian i Tuhan Inta Totok in mokawasa kon Mesir. Aka bangusa tatua doroton, bo mosia in mokuani mopoigum in totuḷung kon i Tuhan, yo potabá-Neabí in intau tobatú sin moposaḷamat kon i monia.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

ULANGAN 19:4

Aka intau tobatú diá sinumuod noiḷautdon in noḻimod kon intau ibanea inta deeman musungnea, yo sia in motaaubí moḷagui mayá kon sigad in kotá tobatú tatua bo mobiag kon tua.

SAMUEL 1 12:11

Onda intua ki Tuhan nopotabá kon i Gideon, onda intua ki Barak, nopaḷut mako kon tua ki Yepta, bo pangabisannea in akuoi. Kon batúan nami ain nopoḷuat kon i monimu nongkon musungmu, dá moiko in notaaudon nobiag noaman.

SAMUEL 1 19:7

Nopaḷut mako kon tua inoiní i Yonatan in ki Daud, bo inoumannea in bayongan inta inouman monia tua. Onda intua dinianea in ki Daud kon i Saul, bo ki Daud in nobantung kon inia ná dungkuḷmai.