DATU MITA 2 13:11 - Alkitab Singog In Mongondow Masa In Tanaa

¹¹ Sia in binaradosa doman kon i Tuhan sin dinumudui kon raat i Datu Yerobeam inta ain nokopopisí kon intau in Israel nomia kon dosa.

DATU MITA 2 13:11 ပူးပေါင်းရင်းမြစ်များ

DATU MITA 2 10:29

Tuamai in ki Tuhan noguman kon i Yehu, “Bayongan inta pinarentaku kon inimu inta aidanmu kon buí i Ahab aindon inaidanmu. Tuamai in modandi in Akuoi kon adí bo ompumu modapot in buímu inggopatnea in mobaḻíbí datu kon Israel.” Táe diá noḻimbatú in gina i Yehu in dinumudui kon hukum i Tuhan, Allah in Israel. Dinumuduibí in sia kon aid i Yerobeam inta nokopopisí kon intau in Israel binaradosa pinongin nosumba kon sapi buḷawan inta pinosindognea kon Betel bo kon Dan.

DATU MITA 2 13:10

Kon taong nogintoḷu nopuḷú bo pitu kon pinomarentaan i Datu Yoas kon Yohuda, ki Yoas adí i Yoahas in nobaḻí datu in Israel bo nomarenta kon Samaria mopuḷú bo onom notaong in koonggotnea.

DATU MITA 2 13:12

Ouman ibanea soaḷ ki Datu Yoas, noitakin doman in pononongganutnea kon pinoparangan nonayow kon i Amazia datu in Yohuda, pinais kon bonu in buk Ouman in Datu mita in Israel.

DATU MITA 2 13:2

Ná doman ki Datu Yerobeam inta nomarenta noiuna kon inia, ki Yoahas in binaradosa doman kon i Tuhan bo nokopopisí kon intau in Israel binaradosa doman. Diábí kon dodai in onda in sia in nonaḷámai kon oaidnea mita inta moraat.

DATU MITA 2 13:6

Umpaka natua táe intau in Israel in diábí doman nogogai in mogaid kon dosa mita inta pinangkoi i Datu Yerobeam. Mosia in umuranbí mogaid kon dosa mita tatua, bo mopomayádon mako kon patong i Dewi Asyera umuran kon Samaria.

DATU MITA 2 3:3

Tongá, ná ki Datu Yerobeam ki adí i Nebat inta nomarenta noiuna kon inia, sia in nokopopisí domandon kon intau in Israel binaradosa bo diá nogogai in nogaid kon natua.