DATU MITA 2 12:9 - Alkitab Singog In Mongondow Masa In Tanaa

⁹ Dá nogamá ki Yoyada kon kas tobatú bo binubuan kon taḷobnea bodongka inukat kon diug in mezbah kon dotá in koḷanan ngara in Baḷoi Tuhan. Bayongan in doit inta pinosumba kon Baḷoi Tuhan in bonuon kon kas tatua in imang mita inta nopobayá in oaidan monia kon ngara tuotan.

DATU MITA 2 12:9 ပူးပေါင်းရင်းမြစ်များ

DATU MITA 2 12:8

Noibog in imang mita kon diádon mosipun kon doit nongkon rayat, bo diá domandon umuran moḷukad kon ponompiaan kon Baḷoi Tuhan.

DATU MITA 2 23:4

Nopaḷut mako kon tua ki datu in nomarenta kon i Imang Moḷoben ki Hilkia, imang mita mogogopod bo moḷoḷukad inta nopobayá in oaidan kon ngara in Baḷoi Tuhan, sinbá mopoḷuai nongkon baḷoi tatua in bayongan pakakat inta pinaké posumbaan kon i Baal Dewi Asyera, bo tundi mita. Bayongan in pakakat mita tatua sinubá i Datu Yosia kon ḷuai in kotá kon diug in Ḷopá in Kidron, bo ḷobudnea in dinia kon Betel.

DATU MITA 2 25:18

Koḻikud intua, ki Nebuzaradan in nodomok doman kon i Imang Moḷoben ki Seraya, ki Zepanya imang mototongod kon oaidan, moḷoḷukad kon ngara in Baḷoi Tuhan taya toḷu, monononggina i datu taya ḻima inta kon kotápa, tongguḷu totok in tontara, toḻindua in tongguḷu totok in tontara inta monoinutmai kon administrasi in tontara, bo intau moḷoben 60 ibanea.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

YEREMIA 52:24

Koḻikud intua, ki Nebuzaradan in nodomok kon i Imang Moḷoben ki Seraya, ki Zepanya oḻitnea, toḷu in intau moḷoḷukad kon Baḷoi Tuhan,

MARKUS 12:41

Kon singgai tobatú ki Yesus iḻimitú sinumayow in kas pobobonuan kon sosumba kon Baḷoi Tuhan, poḷat noindoimai mako kon intau mita mopobonu in doit monia kon kas tatua. Nobayong in intau nooyúon nopobonu in doit mobayong.

LUKAS 21:1

Kon Baḷoi Tuhan tatua, ki Yesus in nokoontong kon intau mita inta nooyúon nopobonu in doit kon kas inta pobobonuan kon sosumba.