DATU MITA 2 12:7 - Alkitab Singog In Mongondow Masa In Tanaa

⁷ Tuamai nogoiní in ki Yoas kon i Imang Yoyada takin imang mita ibanea, bo noguman, “Nongonu sin diápabí doman in moiko nonompia kon Baḷoi Tuhan? Pinangkoi kon singgai in naa diádon motaau in moiko mokadai kon doit inta sinarima monimu. Mustidon ogoi monimu komintan intua sin pakéon ponompia kon Baḷoi Tuhan.”

DATU MITA 2 12:7 ပူးပေါင်းရင်းမြစ်များ

DATU MITA 2 11:4

Kon taong noginpitu, porwira mita moḷoḷukad tontaní i datu bo moḷoḷukad mita kon komaḻig inoiní i Imang Yoyada sin moyodungkuḷnea kon Baḷoi Tuhan. Kon tua pinoki pongibotannea in mosia kon mogaid kon tombayánea. Pinoontongnea kon i monia in ki Yoas, ki adí ḷoḷaki i Datu Ahazia,

DATU MITA 2 12:2

Kon bonu in totundú i Imang Yoyada, ki Yoas in umuranbí nogaid kon onu inta mokosanang kon gina i Tuhan kinoouputbí in kinobiagan.

DATU MITA 2 12:6

Noidapot kon taong nogindoyowa nopuḷú bo toḷu kon pinomarentaan i Yoas, imang mita in diápabí doman nonompia kon onu inta nogoguyaat kon Baḷoi Tuhan.

DATU MITA 2 12:8

Noibog in imang mita kon diádon mosipun kon doit nongkon rayat, bo diá domandon umuran moḷukad kon ponompiaan kon Baḷoi Tuhan.

TAWARIKH 1 21:3

Tubag i Yoab, “Igumon mako guntuḷondon i Tuhan in rayat in Israel moidapot in kogatut in ná kobayong monia tanaa. Inta Momulia, noniata bidon kon mosia tua in notogu ondok bidon kon i Tuang Datu! Dá nongonu sin mustipabí iyapon? Dika-dika, tongá popisí in taḷá tatua, bayongan in bangusa mobaba kon bungainea!”

TAWARIKH 2 23:1

Kon taong impitunea ki Imang Yoyada in nonantúdon kon oyúon in aidannea. Noyosingogdon in sia takin in porwira taya ḻima, ki Azarya ki adí i Yeroham, ki Ismael ki adí Yohanan, ki Azarya ki adí i Obed, ki Maaseya ki adí i Adaya, bo ki Elisapat ki adí i Zikhri.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

HAGAI 1:2

Ki Tuhan Inta Totok in mokawasa in noguman kon i Hagai, “Bangusa tanaa in noguman kon deemanpa orasnea moposindog bui in Baḷoi-Ku.”