DATU MITA 2 12:5 - Alkitab Singog In Mongondow Masa In Tanaa

⁵ Kon batúan in imang musti monotaau kon doit inta pinosumba in bayongan in umat. Doit tatua in pakéon ponompia kon onu inta nogoguyaat kon Baḷoi Tuhan.

DATU MITA 2 12:5 ပူးပေါင်းရင်းမြစ်များ

DATU MITA IMITÁNEA 11:27

Noiduduimai naa in ouman pinomarontakan i Yerobeam. Kon tungkuḷ in butá kon dotá in toḷatan in Baḷoi Tuhan yogot bumbunan, bo dinding in kotá yogot in tompiaan,

DATU MITA 2 12:12

intau mita inta mopoyoguntuḷ in batu takin mongongurig. Moḷoḷukad doman mita in motaḷui kon kayu bo batu, bo poḷat monoḻisí kon bayongan inta pinaké kon ponompiaan tatua.

DATU MITA 2 12:4

Kon singgai tobatú ki Yoas nogoiní kon imang mita bo pinoki tagúannea in doit inta nouḻí nongkon sosumba mita kon Baḷoi Tuhan, pinomayá doit inta pinoguboḻi kon pinopobogoian in kuruban, andeka doit inta sinantúbí inogoi takin ibog tontaní.

DATU MITA 2 12:6

Noidapot kon taong nogindoyowa nopuḷú bo toḷu kon pinomarentaan i Yoas, imang mita in diápabí doman nonompia kon onu inta nogoguyaat kon Baḷoi Tuhan.

TAWARIKH 1 29:6

Dá tongguḷu mita in inanakan, tongguḷu in suku, porwira mita bo moḷoḷukad kon kapunyaan i datu in noguman doman kon mosia in moibog doman mosumbang.

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.

TAWARIKH 2 24:5

Imang mita bo intau in Lewi pinarentaannea mayá mokipodungkuḷ kon intau mita inta nogutun kon kotá mita in Yohuda bo nosipun kon doit nongkon bayongan in rayat sin ponompia kon Baḷoi Tuhan muḷoi in taong. Pinotabánea in mosia sinbá ḷagi monompia kon tua, táe intau mita in Lewi ḷumaḷoibí.

TAWARIKH 2 24:7

Dumodudui mita i Atalya, bobay moraat tatua, nomoguyaatdon kon Baḷoi Tuhan, bo nobayong in pakakat mita inta ain sinantú kon i Allah in pinaké monia sin mosumba kon i Baal.)

IḶUAIAN 30:13

Bayongan intau inta iapondon kon pogiapan tatua musti moguboḻi podudui in boḻi inta ain sinantú kon Ḷoḷaigan-Ku mobaḻí salehe inta tongá poyaput kon i-Nakó.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

IMAMAT 27:2

in atorang tanaa kon bangusa Israel. Aka intau tobatú pinosumba kon i Tuhan sin motobut kon dandinea inta ain sinantú, yo intau tatua in motaaubí tobutonnea in doit

PINOGIAPAN 18:15

Bayongan inta muna pinononggadí kon sigad in intau andeka bobiagon inta pinosumba in intau Israel kon i-Nakó, tua in nobaḻí silaimu. Táe musti tobuton monimu in adímu mita inta guya-guyang, bo adí mita in bobiagon inta haram inta pinogadí muna.