DATU MITA 2 12:4 - Alkitab Singog In Mongondow Masa In Tanaa

⁴ Kon singgai tobatú ki Yoas nogoiní kon imang mita bo pinoki tagúannea in doit inta nouḻí nongkon sosumba mita kon Baḷoi Tuhan, pinomayá doit inta pinoguboḻi kon pinopobogoian in kuruban, andeka doit inta sinantúbí inogoi takin ibog tontaní.

DATU MITA 2 12:4 ပူးပေါင်းရင်းမြစ်များ

DATU MITA IMITÁNEA 3:2

Popisí in Baḷoi i Tuhan diápa noḷapat kon dodai intua, dá rayat in umuranpa noposumba in kuruban kon noyagi-yagimai in tampat.

DATU MITA IMITÁNEA 3:3

Ki Salomo in motabi kon i Tuhan bo dinumudui kon topotundú mita i amánea, táe umuranpa in sia noratá bo noposumba in biag kon bayongan tampat.

DATU MITA IMITÁNEA 7:1

Ki Salomo in noposindog doman in komaḻignea tontaní. Pinoposindogan in komaḻig tatua koonggotnea in mopuḷú bo toḷu notaong.

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

DATU MITA 2 12:5

Kon batúan in imang musti monotaau kon doit inta pinosumba in bayongan in umat. Doit tatua in pakéon ponompia kon onu inta nogoguyaat kon Baḷoi Tuhan.

DATU MITA 2 14:4

diábí doman in sia norumbun kon tampat mita pososumbaan kon dewa, dá rayat in umuranbí doman moposumba in kuruban bo motubá kon dupa kon tua.

DATU MITA 2 15:4

Táe nokomanasaḷan, diábí irumbunnea in tampat mita pososumbaan kon dewa, dá rayat in umuranpabí doman moposumba in kuruban bo motubá kon dupa kon tua.

DATU MITA 2 16:4

Ki Ahas in noposumba in kuruban bo notubá kon dupa kon tampat mita pososumbaan kon dewa kon buḷud mita bo kon siungon in kayu mita nobambar.

DATU MITA 2 17:11

Notubá doman in mosia kon dupa kon bayongan in mezbah sin mosumba kon dewa, ná kabiasaan in bangusa mita inta ain pinoguntun i Tuhan nongkon butá in Kanaan. Nosumba in mosia kon berhala umpaka ain inimaḷowan i Tuhan. Bayongan in aid monia inta moraat nokopomuká kon torú i Tuhan.

TAWARIKH 1 18:11

Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara ibada. Natua doman in inaidannea kon pakakat mita buḷawan bo saḷaka inta ain inagownea nongkon i Hadadezer bo bangusa mita inta sinaḷownea, tuata in bangusa Edom, Moab, Amon, Pilistin bo Amalek.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 2 15:18

Bayongan in buḷawan bo saḷaka takin pakakat mita ibanea inta nouḻí monia kon parang kapunyaan i amánea bo kapunyaannea in inukatnea kon Baḷoi Tuhan sin mobaḻí kapunyaan i Tuhan.

TAWARIKH 2 31:12

bo motagú kon bayongan in oogoi bo mopuḷú noporosen tatua kon bonu in ontag mita tatua. Intau in Lewi tobatú inta ki Konanya in tangoinea, sinantúdon nobaḻí moḷoḷukad bo ki Simei ki ai-ainea in binaḻí mobobantungnea.

TAWARIKH 2 35:2

Ki Yosia in nosilai kon bayongan imang in oaidan mita inta musti aidan monia kon Baḷoi Tuhan, bo pinoki aidnea kon i monia intua mita kopiraan.

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.

EZRA 2:69

Mosia in nobogoi in sumbangan podudui in komampuan tontaní bo nouḻímagi komintan in 500 nokilo in buḷawan, 2.800 nokilo in saḷaka, bo mogatut in jubah kon imang mita.

EZRA 7:16

Diadon doman in bayongan buḷawan bo saḷaka inta sinipun i Utat kon sinangkup in Babel bo bayongan in sumbangan in bangusa in Israel takin imangnea mita sin ogoi kon Baḷoi Tuhan Allah monia kon Yerusalem.

IḶUAIAN 35:22

Ki inekabí in moibog, pinomayá ḷoḷaki ande bobay, mamangoi modia kon tomot ḷambá, nganti-nganting, sising, boboḷ bo bayongan yagi-yagi ḷambá buḷawan sin makusud poposumba kon i Tuhan.

IḶUAIAN 35:29

Bayongan in intau Israel takin ibog monia tontaní nodia kon sosumba monia kon i Tuhan sin pakéon pogaid kon oaidan tatua inta pinotaau i Tuhan kon i Musa.

IḶUAIAN 35:5

Diadon in sosumba kon i Tuhan. Ki ine in moḻiai in ginanea, musti moposumba in buḷawan, saḷaka bo porunggu;

IḶUAIAN 36:3

Inogoi i Musa kon i monia in bayongan inta pinosalehe in intau Israel sin pakéon pogaid kon Ḷoḷaigan i Tuhan. Táe bangusa Israel umuranpabí doman modia mangoi kon sosumba kon i Musa muḷoi in doḷo-doḷom.

IMAMAT 27:31

Aka intau tobatú moibog motobut kon tobotak nongkon bungai in boyó tatua, yo sia in musti moguboḻi kon boḻinea inta ain sinantú bo dugangan in doyowa nopuḷú noporsen.

LUKAS 21:4

Sin mosia tua in nobogoi in sosumba nongkon kalebean in kapunyaan monia. Táe intau boba-bobay tanaa, umpakabí in sia nobiag nobogá totok, táe sia in nobogoibí in bayongan inta onu in kon inia inta sabanarnea in totokpabí in paraḷunea pakéon kon kobiagannea.”