DATU MITA 2 12:12 - Alkitab Singog In Mongondow Masa In Tanaa

¹² intau mita inta mopoyoguntuḷ in batu takin mongongurig. Moḷoḷukad doman mita in motaḷui kon kayu bo batu, bo poḷat monoḻisí kon bayongan inta pinaké kon ponompiaan tatua.

DATU MITA 2 12:12 ပူးပေါင်းရင်းမြစ်များ

DATU MITA IMITÁNEA 5:15

Ki Salomo in nopotabá domandon in 80.000 in intau sin mongurig kon batu nongkon buḷud bo 70.000 in intau mogakut kon batu mita tatua.

DATU MITA 2 12:11

Naonda in paison mako in kobayongnea, doit tatua in ogoi kon intau mita moḷoḷukad kon pogaidan kon ponompiaan kon Baḷoi Tuhan. Moiduduimai kon tua intau mita inta moḷoḷukad kon oaidan tatua in moguboḻi kon pogaidan in intau mita inta monompiamai kon Baḷoi Tuhan tatua,

EZRA 3:7

Rayat in nobogoidon in doit sin ponondan kon bas mita in batu bo mogogimok mita kon kayu. Mosia in nokidia doman in kaanon, oinumon bo ḷana in zaitun kon kotá mita in Tirus bo Sidon sin ponoḻiu kon kayu ḷokuyú in Libanon nongkon kotá mita tatua. Kayu tatua in dinia kon Yapo pinongin dagat. Tua komintan inaidan in rayat pinodoyon kon parenta i Kores, datu in Persia.

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

LUKAS 21:5

Naonda intau mita nongonguman kon kogogaga in Baḷoi Tuhan inta ain kinompitan in batu mita mongogaga takin pakakat mita inta ain pinosumba kon i Allah, dá ki Yesus in noguman kon i monia,