DATU MITA 2 11:18 - Alkitab Singog In Mongondow Masa In Tanaa

¹⁸ Nopaḷut mako kon tua rayat in nonubu bo nogumpag kon kuil Baal. Mezbah takin patongnea mita in irimumud, bo ki Matan, imang in Baal iḻimod kon tayowon in mezbah mita tatua. Ki Yoyada in nopotabá kon moḷoḷukad sin moḷukad kon Baḷoi Tuhan,

DATU MITA 2 11:18 ပူးပေါင်းရင်းမြစ်များ

DATU MITA IMITÁNEA 18:40

Dá nogumandon in ki Elia, “Domok in nabi mita in Baal tatua! Dika pomayá mako in tobatúmai in mokoḷagui!” Bo intau mita in nodomokdon kon nabi mita in Baal tatua, onda intua dinia i Elia in mosia kon Ongkag in Kison bo iḻimodnea kon tua in mosia komintan.

DATU MITA 2 10:21

bo pinotaaudon i Yehu kon bayongan in Israel. Kon singgai tatua namangoidon in bayongan mososumba kon i Baal, diábí tobatúmai in kinotaḻiban. Sinumuot in mosia kon kuil i Baal bo nopuḻing in bangunan tatua nongkon muna dapot in tumi.

DATU MITA 2 10:25

Bo naonda in ki Yehu nopaḷut noposumba in kuruban tatua, iḻumuai in sia bo noguman kon pongawal mita bo porwira mita tatua, “Tuotdon bo ḻimod komintan in mosia. Dikabí pomayá mako in tobatúmai mokoḷagui!” Dá sinumuotdon in mosia takin kokada-kadai in kedang inta irabutdon kon gumánea bo noḻimod kon bayongan in intau kon tua, bodongka pinogambat monia kon ḷuai in mayat mita tatua. Onda intua sinumuot in mosia kon bonu totok in kuil,

DATU MITA 2 10:26

bo nopoḷuai in patong in Baal bo sinubá in patong tatua.

DATU MITA 2 10:27

Patong tatua in irimumud takin baḷoinea bo tampat tatua in binaḻídon poḷoḷumbúan kon tubig dapot in singgai naa.

DATU MITA 2 18:4

Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

DATU MITA 2 23:20

Bayongan in imang inta nopobayá in oaidan kon tampat mita pososumbaan kon dewa iḻimodnea kon tudu in mezbah mita inta pinopobayáan monia in oaidannea. Bo kon batúan in mezbah tatua notubá in ki Yosia kon tuḷan mita in intau. Nopaḷut mako kon tua nobui in sia kon Yerusalem.

TAWARIKH 2 21:17

Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

TAWARIKH 2 34:7

Mezbah mita bo patong mita i Asyera kon sinangkub in dodatuan utuan inumpag i Yosia, bo patong mita bo bayongan in mezbah dupa irimumudnea. Bo nobuidon in ki Yosia kon Yerusalem.

IḶUAIAN 32:20

Onda intua ginamáneadon in patong sapi inta pinomia in intau mita Israel tatua, bo iḷoḷangnea bui poḷat dinodok kinorimok ná ḷobud, bodongka binaukan in tubig. Onda intua pinoki inumneadon kon intau mita Israel.

YESAYA 2:18

Berhala mita in moinggamádon komintan.

ULANGAN 12:2

Naonda in moiko tumuot kon butá tatua musti rimumudon monimu in tampat mita pososumbaan kon tudu in buḷud mita moḷantud, kon buḷud mita moompá bo kon kayu mita inta mongobambar, tampat pososumbaan in bangusa mita tatua kon ilah mita monia.

ULANGAN 12:3

Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 13:9

Sia in musti ara bo in batu modapot in matoi. Ikobí in musti momangkoi mogandur in batu kon inia, bo duduian in bayongan intau. Intau inta kotaḷá tatua musti ḻimodon, sin sia in moibog mopoyayú kon i monimu nongkon i Tuhan Allahmu inta nopoḷuat kon inaton nongkon pinononggataan kon Mesir.