DATU MITA 2 11:12 - Alkitab Singog In Mongondow Masa In Tanaa

¹² Nopaḷut mako kon tua ki Yoyada in nodia mangoi kon i Yoas, bo pinopo bongkowan in mahkota in datu kon uḷunea, bo inogoian in buk in sia Hukum i Allah. Ki Yoas in dinuí nobaḻí datu bo tua in pinotaaudon kon bayongan in rayat. Komintan nonggoḷokap bo norogiow, “Kobiag datu!”

DATU MITA 2 11:12 ပူးပေါင်းရင်းမြစ်များ

SAMUEL 2 1:10

Dá dinimiug in akuoi kon inia, bo poḷat noḻimod kon inia, sin kinotaauanku kon aka moumpag in sia sin diádon moropot in simindog, yo notantúbí kon matoibí domandon. Bo ginamáku in sapoyo in datu nongkon uḷunea bo ḻingkit nongkon kokaḷnea, bo diniaku mangoi kon i Tuangku.”

SAMUEL 2 12:30

Ki Daud nogamá kon mahkota in datu nongkon uḷu i datu monia bo pinoḷutudnea kon uḷunea. Mahkota tatua kobogatnea in degá bo 35 nokilo bo iḷambáan in permata inta totok in mogaga. Nodia doman in ki Daud kon nobayong totok in pakakat mita inta inagow nongkon kotá tatua.

SAMUEL 2 16:16

Naonda in ki Husai yobayat i Daud inta mosatia tua noyodungkuḷ i Absalom, ki Husai in nomaḷú, “Kobiag datu! Kobiag datu!”

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 2:7

Pokoroton in ginamu bo umurandon kobaḻí intau mita inta mongobarani umpaka ki datu monimu ain minatoi, táe intau mita in Yohuda ain noduí kon inakó nobaḻí datu monia.”

SAMUEL 2 5:3

Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

DATU MITA IMITÁNEA 1:25

Singgai naa doman sia in noposumbadon in domba mobayong, sapi koḷakian bo ki adí in sapi inta mongoḷomumu. Bayongan adí ḷoḷaki i tuang datu ain inoinínea. Ná doman tua in Tongguḷu totok in tontara mopoparang i tuang datu, bo ki Imang Abyatar. Tanaa mako mosia in yogotdon morame takinnea bo morogiow in moguman, ‘Mobiag in ki Datu Adonia!’

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA IMITÁNEA 1:39

Onda intua ki Zadok nogamá kon tampat in ḷana zaitun inta ain dinianea nongkon Ḷoḷaigan i Tuhan, bo dinuíneadon in ki Salomo nopomaké in ḷana tatua. Bo torompet in inirupdon bo bayongan intau inta namangoi intua nomaḷú, “Mobiag ki Datu Salomo!”

DATU MITA IMITÁNEA 2:44

Kinotaauanmubí totok in bayongan aidmu moraat kon i amáku. Tuamai ki Tuhan in mohukumbí kon inimu,

DATU MITA 2 11:11

Bo Moḷoḷukad mita, kon batúannea in nokadaidon kon kedang mita bo nogamá kon tampat monia kon ḻibumai inta kon dotá in muna kon Baḷoi Tuhan sin moḷukad kon i datu.

DATU MITA 2 11:2

Ki Yoas adí i Ahazia in gogió bo kinoḻimodan doman pinoyotakin in adí mita ḷoḷaki ibanea i datu, táe nokoḷagui in sia sin pinoḷagui i Yoseba pokuináanea. Ki Yoas takin moḷoḷukadnea in dinia bo binuni kon bonu in gopot tobatú kon Baḷoi Tuhan.

DATU MITA 2 11:4

Kon taong noginpitu, porwira mita moḷoḷukad tontaní i datu bo moḷoḷukad mita kon komaḻig inoiní i Imang Yoyada sin moyodungkuḷnea kon Baḷoi Tuhan. Kon tua pinoki pongibotannea in mosia kon mogaid kon tombayánea. Pinoontongnea kon i monia in ki Yoas, ki adí ḷoḷaki i Datu Ahazia,

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

DATU MITA 2 9:3

bo popobutakdon in ḷana tanaa kon uḷunea, bo singog in naa, ‘Ki Tuhan in noguman kon binaḻí-Neadon in iko datu in Israel.’ Naonda in aidan mako intua, ḷagidon taḷaai in tampat tatua.”

TAWARIKH 2 23:11

Nopaḷut mako kon tua ki Yoyada in nodia kon i Yoas iḻumuai, bo nopopaké in sapoyo in datu kon uḷunea, bo nobogoi kon inia in buk Hukum i Allah. Natuata in pinoduían kon i Yoas nobaḻí datu. Onda intua ki Imang Yoyada takin adínea mita nopobutak in ḷana upacara pinoduían kon i Yoas, bo bayongan in intau komintan nomaḷú “Mobiag datu!”

ESTER 2:17

Siabí in kinosanang bo kinopia in gina i datu nongkon sigad in mongodeaga mita ibanea. Tuamai in kinotabi totok i datu in sia. Dá pinopoḷutudandon i datu in mahkota in dodatuan in uḷu i Ester bo binaḻí bokí in sia nomaḷui kon i Bokí Wasti.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 21:3

Dinuduian-Mu in onu inta kinoibog in ginanea, bo nobogoi kon onu inta inigumnea.

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 47:1

Mazmur in inanakan i Korah. Kon i itoi in mododondong.

MAZMUR 78:5

Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

MAZMUR 98:8

Biódon mako in ongkag mita monggoḷokap, bo tombuḷud mita moronggiow kon tayowon i Tuhan.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

DANIEL 3:9

Mosia in noguman kon i Datu Nebukadnezar, “Mobiagdon in ki Tuangku modapot in mononoi!

DANIEL 6:21

Noiyaputmai intua, nokuuk in sia táe takin ḻia-ḻiaw in gina, “Daniel, mogogundoi i Allah inta nobiag! Degá ki Allahmu inta sinumbamu totu-totuu tua in nokoposaḷamatdon kon inimu nongkon singa mita tatua?”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 27:29

Mosia in noraot doman kon kawa dodugian, bo pinopobandow kon uḷu-Nea. Mosia in nopokadai doman in aog kon ḻima-Nea koḷanan, onda intua sinumungkud in mosia kon tayowon-Neamai bo mopoyagi-yagimai kon i-Nia, kai monia, “Salam, ei Datu intau Yahudi!”

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

KORINTUS 2 1:21

Sin ki Allahbí in tantú nobogoi in ropot kon inami bo kon i monimu, sahingga in tantú notobatú i Kristus; bo Siabí doman tua inta nomiḻí kon i naton mobaḻí umat inta kinotabi-Nea.

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 10:24

Onda intua ki Samuel noguman kon rayat, “Naadon in intau inta piniḻí i Tuhan, diábí in poḻiu kon sigad naton komintan.” Bayongan in bangusa tatua norogiow, “Mobiag datu!”

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.