DATU MITA 2 10:11 - Alkitab Singog In Mongondow Masa In Tanaa

¹¹ Onda intua ki Yehu in noḻimod kon bayongan in ginaḷum i Ahab ibanea inta nogutun kon Yizreel, bo bayongan in pogawai, yobayat mita inta modagin bo imangnea mita; diábí in tobatúmai in binió mako nobiag.

DATU MITA 2 10:11 ပူးပေါင်းရင်းမြစ်များ

DATU MITA IMITÁNEA 14:10

Tuamai in popoangoi-Kubí in bodito kon motoḷuadímu. Bayongan in buímu inta ḷoḷaki, onukabí in iḻitúannea yo ḻimodon-Kubí. Yopúon-Kubí in motoḷuadímu, notongkai ná intau nongait kon yoyatan kinodarit.

DATU MITA IMITÁNEA 15:29

Naonda in ki Baesa nobaḻídon datu ḷagidon in sia noḻimod kon bayongan in motoḷuadí i Yerobeam. Podudui kon onu inta ain pinoguman i Tuhan pinongin mogogundoinea ki nabi Ahia nongkon Silo, dá bayongan in motoḷuadí i Yerobeam kinoḻimodan, diá tobatúmai in nokoḷagui.

DATU MITA IMITÁNEA 16:11

Naonda in ki Zimri nobaḻí datu, iḻimodnea in bayongan motoḷuadí i Datu Baesa. Nodapot in bayongan ginaḷum i Baesa inta ḷoḷaki takin yobayatnea mita bo motoḷuadí monia diábí doman tobatúmai in kinotaḻiban.

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

DATU MITA IMITÁNEA 18:40

Dá nogumandon in ki Elia, “Domok in nabi mita in Baal tatua! Dika pomayá mako in tobatúmai in mokoḷagui!” Bo intau mita in nodomokdon kon nabi mita in Baal tatua, onda intua dinia i Elia in mosia kon Ongkag in Kison bo iḻimodnea kon tua in mosia komintan.

DATU MITA IMITÁNEA 21:22

Motoḷuadímu in mobaḻíbí naonda bo motoḷuadí i Datu Yerobeam adí i Nebat bo naonda bo motoḷuadí i Datu Baesa adí Ahia, sin iko in nokopopisídon kon intau in Israel nomia kon dosa dá nokopomukádon kon torú-Ku.’

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA IMITÁNEA 22:6

Dá ki Ahab in nosipun kon degá 400 in nabi bo noḻibó kon i monia, “Motaau degá in akuoi mayá monubu kon Ramot andeka diá motaau?” “Motaau!” tubag monia. “Ogoibí i Tuhan kon i tuang datu in kotá tatua.”

DATU MITA 2 10:12

Ki Yehu in nonaḷámaidon kon Yizreel bo minayá in Samaria. Kon yuak in daḷan, kon tampat inta sinangoian “Ḻipú in Gombala”.

DATU MITA 2 23:20

Bayongan in imang inta nopobayá in oaidan kon tampat mita pososumbaan kon dewa iḻimodnea kon tudu in mezbah mita inta pinopobayáan monia in oaidannea. Bo kon batúan in mezbah tatua notubá in ki Yosia kon tuḷan mita in intau. Nopaḷut mako kon tua nobui in sia kon Yerusalem.

DATU MITA 2 9:7

Iko in moyopú kon motoḷuadí i Ahab ki Tuangmu. Takin natua hukumon-Ku in ki Izebel inta ain noḻimod kon nabi-Ku mita bo mogogundoi-Ku mita ibanea.

DATU MITA 2 9:9

Bayongan in motoḷuadínea in pomiaan-Kubí ná pinogogaid-Ku kon motoḷuadí i Yerobeam bo motoḷuadí i Baesa, datu mita in Israel.

TAWARIKH 2 22:7

Ki Allah in nonantúdon kon ki Ahazia in matoibí kon dodai in sia mokipodungkuḷ kon i Yoram. Kon pinoyodungkuḷan tatua ki Ahazia bo ki Yoram in sinayowan in intau tobatú inta ki Yehu in tangoinea ki adí i Nimsi, inta ain piniḻí i Tuhan moyompat kon motoḷuadí i Datu Ahab.

TAWARIKH 2 22:8

Koyogot in ki Yehu nopobayá in hukuman i Tuhan kon motoḷuadí tatua, noyodungkuḷ in sia in topaanan i intau mita moḷoben in Yohuda bo pokuadíon mita i Ahazia inta dinumudui kon pinoyodungkuḷan tatua. Dá ki Yehu in noḻimod kon i monia komintan.

AYUB 18:19

Adí bo buí diá bidon kon inia; kon ḻipúnea diá bidon tobatúmai in kiagatnea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

YOSUA 10:30

Ki Tuhan in nopountung domandon kon intau in Israel nongkon kotá tanaa bo datu monia. Diá tobatúmai in pinomayánea nobiag; bayongan in intau kon bonu in kotá tatua iḻimod. Inaidanmai i Yosua in datu in kotá tatua ná doman pinogogaidnea kon i datu in Yerikho.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 20:10

Onda intua Ibilis inta nonguboḷ kon i monia tua, pinogambat kon yua-yuak in tuḷu bo balerang. Tua in tampat pinoḷumbúan kon mahaḷuk bo intau mita inta deeman totuu nabi, bo roriga monia tua in diábí mogoga-gogai doḷom bo singgai.