DATU MITA 2 10:10 - Alkitab Singog In Mongondow Masa In Tanaa

¹⁰ Naadon in buktinea kon bayongan inta siningog i Tuhan soaḷ adí bo ompu i Ahab in mobaḻíbí. Ki Tuhan in nogaidon kon bayongan inta pinoguman-Nea pinongin i Elia mogogundoi-Nea.”

DATU MITA 2 10:10 ပူးပေါင်းရင်းမြစ်များ

DATU MITA IMITÁNEA 21:19

bo potaaudon kon inia kon Akuoi, ki Tuhan, in noguman nanaa, ‘Ain noḻimod, mogagowpa doman! Tuamai in dugúmu in diláan in ungkú kon tampat in pinodilaan in ungkú mita kon dugú i Nabot!’ ”

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA 2 10:17

Noiyaputmai intua ki Yehu in noḻimod kon bayongan in ginaḷum motoḷuadí i Ahab, diábí tobatúmai in sinaḻiban. Tua in nobaḻí pinodudui kon onu inta pinoguman i Tuhan kon i Elia.

DATU MITA 2 9:36

Naonda intua pinotaau kon i Yehu, nogumandon in sia, “Naa in pinotaaudon muna i Tuhan, kon dodai in Sia noguman nanaa pinongin i Elia mogogundoi-Nea: ‘Awak i Izebel in kaanonbí in ungkú mita kon butá in Yizreel,

ESTER 6:10

Bo ki datu in noguman kon i Haman, “Koḷamemet, gamádon in ḷambung bo kabaḷo tatua bo ogoidon in bayongan in kahoromatan tatua kon i Mordekhai, intau in Yahudi tatua. Aidaidon ná inta pinogumanmu koina, bo dikabí gaatan in tobatúmai. Sia intua ḻimitú mako kon tayowon in bonawang in komaḻig.”

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

MARKUS 13:31

Ḷangit bo butá in moinggamábí, táe singog-Ku in mononoibí.”

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.