DATU MITA 2 10:1 - Alkitab Singog In Mongondow Masa In Tanaa

¹ Ki Datu Ahab in kogadí bo kogompu pitu nopuḷú in kon kotá in Samaria. Tuamai in ki Yehu nokidia in surat kon Samaria, kon intau mita inta nonompia kon i adí bo ompu i Ahab bo kon pongawasa mita takin guhanga mita in ḻipú kon kotá tatua. Nanaa in bonu in surat,

DATU MITA 2 10:1 ပူးပေါင်းရင်းမြစ်များ

DATU MITA IMITÁNEA 13:32

Onu inta ain pinogumannea pinodoyon kon parenta i Tuhan kon mezbah inta kon Betel tatua bo kon bayongan tampat pooibadaan kon kotá mita in Samaria tua in notantúbí kon mobaḻí.”

DATU MITA IMITÁNEA 16:24

Táe noiduduimai kon tua, notaḷui in sia kon buḷud tobatú kon i Semer, boḻinea in 6.000 in doit saḷaka. Bo noposindog in sia in kotá tobatú kon buḷud tatua bo sinangoiannea in Samaria, pinodudui in tangoi i Semer, intau inta kitogi buḷud tatua.

DATU MITA IMITÁNEA 16:28

Naonda in ki Omri minatoi bo iḷobong kon Samaria, ki Ahab ki adínea in nobaḻí datu nonoḻiu kon inia.

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA 2 5:3

Kon singgai tobatú bobantung tatua in noguman kon i tuangnea, “Iná, aka kuma bo ki tuang moibog in mayá mokipodungkuḷ kon nabi tobatú inta nogutun kon Samaria, yo mopiabí i nabi tatua in ki tuang.”

TAWARIKH 2 22:9

Onda intua nopotabá in sia kon intau notayak kon i Ahazia inta kon dodai intua nogadop kon Samaria. Naonda in nouḻídon in ki Ahazia, dinia in sia kon i Yehu bo iḻimod. Umpaka natua táe iḷobongbí doman monia in sia sin mohoromat in mosia kon i Datu Yosapat, ki akinea inta nogundoi kon i Tuhan takin ḻimbatú in gina. Nongkon motoḷuadí i Ahazia diábí in mokotongod mogamá kon ḷoḻitúan in pomarentaan.

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

PINOGIAPAN 11:12

Eta akuoi degá in nonogusian andeka inta nopononggadí kon i monia tua? Nongonu sin pinotabá-Mubí in akuoi ná intau moḷoḷukad kon adí inta umuran mokoyot mako kon adí mointok, modapot in akuoi musti umuran moḷukad kon i monia kinoouputbí in binayáan mopobayá in butá inta pinodandi-Mu kon mogoguyang monia?

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

HAKIM MITA 10:4

Ki adínea ḷoḷaki toḷu nopuḷú in koantónea. Keledai monia totakoian in toḷu nopuḷú in kobayongnea bo toḷu doman nopuḷú in ḻipú monia kon butá in Gilead. Ḻipú mita tatua sinangoianpabí ḻipú mita i Yair.

HAKIM MITA 12:14

Ki adínea ḷoḷaki in opat nopuḷú bo ki ompunea mita ḷoḷaki in toḷu nopuḷú. Mosia notukidbí in keledai totakoian. Waḷu notaong in ki Abdon in nobaḻí itoi kon umat in Israel.

HAKIM MITA 8:30

Sia in kogadí kon pitu nopuḷú in adí ḷoḷaki, sin nobayong in ki buḷoinea.