DATU MITA 2 1:9 - Alkitab Singog In Mongondow Masa In Tanaa

⁹ Bo pinotabáneadon in porwira tobatú takin ḻima nopuḷú in intaunea sin mayá modomok kon i Elia. Porwira tatua in minayá bo nokotambak kon i Elia ḻimitú mako kon buḷud tobatú. “Ei, mogogundoi i Allah,” guman in porwira tatua, “pinoki siḻigan i datu in iko!”

DATU MITA 2 1:9 ပူးပေါင်းရင်းမြစ်များ

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 18:10

Pinodoyon kon i Tuhan inta nobiag, ki Allah inta sinumba i Amá, akuoi in moponiata kon ki datu in nopotabádon kon inakó motayak kon i amá kon bayongan in tampat. Aka kon butá tobatú pongawasanea in moguman kon ki Amá in diá in kon tua, ki Ahab in monuntut sinbá pongawasa in butá tatua mongibot kon ki Amá in totuubí kon diá noyodungkuḷ kon tua.

DATU MITA IMITÁNEA 18:4

Kon dodai in ki Izebel noḻimod kon nabi mita i Tuhan, ki Obaja naa in notuḷung kon mogatut in nabi takin nobuni kon i monia kon bonu in angob – 50 in intau in kon angob tobatú – bo mobogo-bogoi in kaanon kon i monia.)

DATU MITA IMITÁNEA 18:42

Bo ki Ahab in minayádon nongaan, bo ki Elia in notakod kon tudu in Buḷud in Karmel. Kon tua sinumungkud in sia noidapot in pogotnea kon butá kon sigad in duḷudnea doyowa.

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

DATU MITA 2 2:25

Ki Elisa in nongingguputdon kon bobayáan minayá in Buḷud in Karmel, onda intua nobui kon Samaria.

DATU MITA 2 4:25

Dá nobuatdon in bobay tatua minayá in Buḷud in Karmel kon tampat i Elisa. Nongkon noyayúpa inontongdon i Elisa in bobay tatua nopoangoi. Ki Elisa in noguman kon i Gehazi, “Indoiai, ki iná nongkon Sunem tatua in namangoi!

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.

MATIUS 26:68

bo noguman: “Tungkuḷaika poguman kon inami, ei Mesias, ki ine degá in nomongkug kon ini-Mu?”

MATIUS 27:29

Mosia in noraot doman kon kawa dodugian, bo pinopobandow kon uḷu-Nea. Mosia in nopokadai doman in aog kon ḻima-Nea koḷanan, onda intua sinumungkud in mosia kon tayowon-Neamai bo mopoyagi-yagimai kon i-Nia, kai monia, “Salam, ei Datu intau Yahudi!”

MARKUS 15:29

Bayongan intau inta noitaḻib kon tua momombiḻing bo moningkuḻe kon i Yesus. Mosia in mosingog, “Ei, Iko inta moibog mogumpag kon Baḷoi i Allah bo bui moposindog kon daḷom in toḷu nosinggai.

MARKUS 15:32

Aka totuu in Sia Datu in Israel, Datu Mopoposaḷamat, yo pomayádon mako in tanaa Sia in moponag nongkon kayu pinoyotaḻempang tatua, sinbá ontongon nami bo mopirisaya domandon in kami kon i-Nia!” Intau mita inta pinopopakú kon kayu pinoyotaḻempang noyotakin i Yesus noningkuḻe doman kon i Yesus.

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.

SAMUEL 1 19:21

Naonda in habar tatua noidapot kon i Saul, nopotabá in sia in totabá mita ibanea bo mosia doman tatua noitakin domandon notayok bo momaḷú. Bo kon nogintoḷumaidon in ki Saul nopotabá in totabánea mita bo natua domandon in nobaḻí kon i monia.