DATU MITA 2 1:3 - Alkitab Singog In Mongondow Masa In Tanaa

³ Táe malaekat i Tuhan in nopotabá kon i Elia, nabi nongkon Tisbe, minayá nokipodungkuḷ kon totabá mita i Datu Ahazia tatua sin moguman, “Eta degá kon Israel in diá in Allah modapot in moiko mayá mopoigum in totundú kon i Baal-Zebub, dewa in kotá in Ekron tatua?

DATU MITA 2 1:3 ပူးပေါင်းရင်းမြစ်များ

DATU MITA IMITÁNEA 11:33

Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 18:1

Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

DATU MITA IMITÁNEA 19:5

Bo inumuḻid in sia kon siungon in kayu tatua bo noḷoḷot. Bo daḻídon in malaekat tobatú noḻiai bo noguman kon inia, “Pobangon Elia, pongaandon!”

DATU MITA IMITÁNEA 19:7

Kon induaneadon malaekat i Tuhan in namangoi noḻiai kon inia bo noguman, “Pobangon, Elia, pongaandon, sinbá mokotahangpa in iko in mayá kon tampat inta moyayú.”

DATU MITA IMITÁNEA 21:17

Bo ki Tuhan in noguman kon i Elia, nabi nongkon Tisbe tatua,

DATU MITA 2 1:2

Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon.

DATU MITA 2 1:6

Mosia in notubag, “Ḷoḷaki tobatú in namangoi nokipodungkuḷ kon inami, bo nopotabá kon inami nobui sin mopotaau kon i Tuang Datu nanaa, ‘Eta degá diá in kon Israel in Allah, nodapot in iko mopotabá mopoigum in totundú kon i Baal-Zebub, dewa in kotá in Ekron? Iko in diábí mopia, matoibí in iko!’ ”

DATU MITA 2 1:8

“Jubah bo bogot in ogotannea in pinomia nongkon kuḻit,” tubag monia. “O, ki Elia intua!” guman i datu.

DATU MITA 2 5:15

Bo Nobuidon minayá in sia takin tumotakinnea kon i Elisa. “Tanaa in kinotaauankudon,” guman i Naaman kon i Elisa, “kon sinangkup in dunia tongábí tobatú in Allah, tuata in Allah inta sinumba in intau in Israel. Tuamai, in poigumonku bá moibogpa in ki Tuang motarima kon onu in ogoiku.”

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

MAZMUR 76:1

Kon i itoi in mododondong. Takin ito-itog kecapi. Mazmur i Asap. Dondong.

YESAYA 8:19

Táe intau mita in mopotabábí kon i monimu mopoigum in topotundú nongkon mongongundam mita inta gumombong bo inta mongumi-ngumit. Intau mita tatua in mogumanbí, “Patus aka degá in kita mopoigum in topotundú kon dimukud mita popisí in inta nobiagpa?”

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

MARKUS 3:22

Mototundú mita kon agama Yahudi inta namangoi nongkon Yerusalem noguman, “Kinotoḷangan i Beelzebul in Sia! Itoi in dimukud mita moraat tatua in nobogoi in kawasa kon i-Nia moguntun kon dimukud moraat.”

OUMAN IN RASUL MITA 8:26

Tobatú malaekat i Tuhan in noguman kon i Pilipus nanaa, “Pobuatdon! Bayádon kon dotá in toḷatan daḷan mongin Yerusalem mopobayá in Gaza.” Moingongow totok in daḷan tatua.

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,