DATU MITA 2 1:10 - Alkitab Singog In Mongondow Masa In Tanaa

¹⁰ “Aka akuoi naa totuu mogogundoi i Allah,” tubag i Elia, “yo poigumon mako tuḷú moḷabú nongkon ḷangit bo momokak kon inimu takin intaumu mita!” Kon dodai doman intuata noḷabú in tuḷú bo poḷat nomokak kon porwira tatua takin intaunea ḻima nopuḷú.

DATU MITA 2 1:10 ပူးပေါင်းရင်းမြစ်များ

DATU MITA IMITÁNEA 22:28

Guman i Mikha, “Aka ki tuang datu bo mobui takin mosaḷamat, dá mangaḻenea kon tua kon ki Tuhan in diábí nosingog pinongin inakó! Bayongan intau kon naa in nobaḻí sakusi.”

DATU MITA 2 1:11

Bo bui in ki datu nopotabá in porwira tobatú ibanea takin intaunea ḻima nopuḷú doman. Mosia in minayá bo noguman kon i Elia, “Ei, mogogundoi i Allah, pinotabá i datu in iko mosiḻigdon in tanaa!”

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

AYUB 1:16

Kon dodai in sia mosingogpa mako, namangoidon in bobantung nogindua bo noguman, “Domba mita i Tuang bo gombala mita in sinampídon in kilat bo minatoi komintan. Tongádon akuoi in nobiag dá notaaudon namangoi nopotaau intua kon i Tuang.”

MAZMUR 105:15

“Dika monuyayow kon intau mita inta piniḻí-Ku, dika mopoaid in moraat kon nabi-Ku mita!”

MAZMUR 106:18

Tuḷu in noponag bo nondangat kon i monia, nomokak kon bayongan inta diádon mopirisaya.

DANIEL 3:22

Popisí in parenta i datu tatua totuu motogat, dá tuḷú tatua in inaidandon totok in kinopatú dá dokot in tuḷú nomokak nodapot in minatoi kon intau mita inta nobuat kon i Sadrakh, kon i Mesakh bo kon i Abednego pinodiug kon tuḷú.

DANIEL 3:25

Tubag i datu, “Táe nongonu sin taya opatbí in inontongku in intau nodondaḷoi kon yua-yuak in tuḷú tatua? Mosia in diábí noitogot bo beresibí diá nongonumai. Bo taya opat tatua pogot monia in naonda bo dewa.”

DANIEL 6:24

Totok in nopia in gina i datu bo pinarentaneadon sinbá ki Daniel in poḷuaiondon kon angob tatua. Naonda in inaidandon in parenta tatua, noniata magí yo diábí in kekeb topiḻikmai kon i Daniel, sin sia in nopirisaya kon i Allahnea.

IMAMAT 10:2

Dá ki Tuhan nopouma in tuḷú kon i monia bo poḷat nomokak kon i monia dapot in minatoi kon Ḷoḷaigan i Tuhan.

PINOGIAPAN 11:1

Kon singgai tobatú bangusa tatua momangkoidon mogamui kon i Tuhan sin yoyiga mita monia. Nokodongogmai kon amui mita tatua, ki Tuhan sinumorú bo nopouma in tuḷú kon i monia. Tuḷú tatua iḷumekep nopobayá kon i monia bo nomokak kon tosilai in ḷoḷaigan monia.

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

MATIUS 21:41

Mosia in notubag kon i-Nia, “Toko putúannea in intau mita moraat tatua, bain tua bo gobá in anggurnea tatua potomoyóneadon bui kon mototomoyó ibanea, inta moibog mopoyosilai in bungainea aka wakutuneadon.”

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”

OUMAN IN RASUL MITA 12:19

Bo pinoki tayak i Herodes kon intau mita tatua in ki Petrus, táe diá nouḻí monia. Dá pinoki pirikisadon i Herodes in tontara mita inta moḷoḷukad, nopaḷut mako bo pinoki ḻimod nodait in mosia. Onda intua ki Herodes minayádon nongkon Yudea bo nogutun tongonumai nosinggai kon Kaisarea.

IBRANI 12:29

Sin ki Allah naton in naonda bo tuḷu inta mokopokak.

WAHYU 11:5

Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.