DANIEL 8:18 - Alkitab Singog In Mongondow Masa In Tanaa

¹⁸ Koyogot in sia mosingogmai, notambuḷoḷok in akuoi. Táe kinadaiannea in akuoi bo sinuḷungan pinosindog bui. Bo sia in noguman,

DANIEL 8:18 ပူးပေါင်းရင်းမြစ်များ

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

YEHEZKIEL 2:2

Kon dodai in singog tatua kinodongoganku, sinumuotdon in Roho i Allah kon inakó, bo pinosindognea in akuoi. Onda intua kinodongoganku bui in singog tatua noguman,

DANIEL 10:16

Onda intua malaekat inta naonda bo intau tatua nopotonggó in ḻimanea bo noḻiai kon bibigku. Akuoi in noguman kon inia, “Tuang, oontongon tanaa in nokororiga totok kon ginaku nodapot in akuoi totokdon in diá nokopongonu.

DANIEL 10:18

Dá komintanpa doman sia in noḻiai kon inakó, bo kinorasaanku kon nodugangdon in ropotku.

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

ZAKHARIA 4:1

Malaekat inta ain noyosingogku tua in namangoi bui kon inakó bo noguḷung bui kon inakó naonda bo noguḷung kon intau inta nosiug.

LUKAS 22:45

Nopaḷut mako nosambayang, nobuat in Sia bo minayá bui kon murí-Nea mita. Kinobayáan-Neamai, mosia in nosiug mako sin moajar totok in gina monia.

LUKAS 9:32

Wakutu intua ki Petrus takin yobayatnea mita nosiug, táe naonda in mosia noibangon inontong monia in sindar motarang nonimbayag kon i Yesus bo intau doyowa sinimindog kon diug-Nea.

OUMAN IN RASUL MITA 26:6

Bo tanaa mako akuoi in sinimindog kon naa sin sidangon popisí in akuoi nopirisaya kon dandi inta inogoi i Allah kon mogoguyang nami.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.