DANIEL 8:17 - Alkitab Singog In Mongondow Masa In Tanaa

¹⁷ Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

DANIEL 8:17 ပူးပေါင်းရင်းမြစ်များ

KINOBAḺIAN 17:3

Bo dinumokódon in ki Abram, bo ki Allah in noguman kon inia,

YEHEZKIEL 1:28

bo nopoyagi-yagimai in batangannea naonda bo aḻibobag. Tuata in bayag motarang inta mopoontong kon kinoangoian i Tuhan. Nokoontongmai kon tua, noitongkob in akuoi kon butá. Bo kinodongoganku in singog inta

YEHEZKIEL 2:1

noguman, “Ei intau inta ilo-ilow, sindogdon. Akuoi in moibog moyosingogmu.”

YEHEZKIEL 44:4

Onda intua ḷoḷaki tatua nodia kon inakó minayá in bonawang kon dotá in utuan inta noyogintayowan in Baḷoi Tuhan. Sinaridianku mako, bo inontongku in Baḷoi Tuhan tatua kinokoḷubungan in sindar mopouḻi-uḻinag inta nobaḻí tomponuot kon kinoangoian i Tuhan. Bo inumobat in akuoi bo nosundud,

YEHEZKIEL 6:2

“Ei intau inta ilo-ilow, ḷangagaidon in buḷud mita in Israel, bo potaaudon in koyow-Ku soaḷ hukuman kon i monia.

DANIEL 10:11

Malaekat tatua in noguman kon inakó, “Daniel, iko in kinotabi i Allah. Bangondon bo sindogdon bo indongogai in singogku mita tanaa kopiaan. Akuoi naa in pinotabádon namangoi kon inimu.” Naonda in sia noguman kon tua, sinimindogdon in akuoi takin urot.

DANIEL 10:16

Onda intua malaekat inta naonda bo intau tatua nopotonggó in ḻimanea bo noḻiai kon bibigku. Akuoi in noguman kon inia, “Tuang, oontongon tanaa in nokororiga totok kon ginaku nodapot in akuoi totokdon in diá nokopongonu.

DANIEL 11:27

Onda intua datu doyowa tatua in ḻimitú kon meja tobatú bo mongaan moyotakin, takin mosia in nonomayá kon inta moraat, bo mosia in mosiakaḷan. Táe tomayá monia tua in diábí motuoi sin deemanpa wakutunea.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 12:13

Iko Daniel, kotoinduduidon modapot in kopaḷutannea. Iko in matoibí, táe mobiagbí bui sin motarima kon tondan in pinogaidanmu kon singgai tumi.”

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 2:46

Bo dinumokódon in ki Datu Nebukadnezar kon tayowon i Daniel bo nobogoi in parenta sinbá ki Daniel in horomaton bo sia in ogoian in kuruban payongon takin sosumba mita ibanea.

DANIEL 7:16

Bo diniuganku in intau tobatú inta sinimindog kon tua bo pinoigumanku kon insilang kon bayongan intua komintan. Dá pinotaaunea domandon.

DANIEL 8:15

Kon dodai in akuoi moḷongasimai monotaau kon mangaḻe in oontongon tatua, daḻídon noisindog magí kon tayowonku in naonda bo intau.

DANIEL 8:19

“Akuoi in mopotaaubí kon inimu onu in mobaḻí kon singgai moiduduimai saḷaku bungai in torú i Allah. Sin oontongonmu tatua in mogumanbí kon onu in mobaḻí kon singgai tumi.

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

DANIEL 9:23

Kon dodai in iko nomangkoidon nopoigum kon i Allah, Sia in nobogoidon in tubag. Akuoi in namangoi sin mopotaau intua sin Sia in notabi kon inimu. Yo, indongogaidon kopiaan koyogot in akuoi moginsilang kon mangaḻe in oontongon tatua.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

MATIUS 17:8

Bo naonda in mosia dinumungá, diádon inontong monia in ki Musa bo ki Elia, koḻikud bidon in ki Yesus.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

WAHYU 22:8

Bo akuoi, ki Yohanes, ain nokodongog bo nokoontong kon bayongan in tanaa. Naonda in akuoi nokodongog bo nokoontong kon tua, akuoi in sinumungkud kon tayowon malaekat inta ain nopoontong in bayongan tua kon inakó, makusudku in mosumba kon inia,