DANIEL 7:28 - Alkitab Singog In Mongondow Masa In Tanaa

²⁸ Tuatadon in pinoyaput naa. Moḻia-ḻiaw totok in ginaku dá nobilaidon, táe diábí tobatúmai intau in pinopotaauanku intua komintan.

DANIEL 7:28 ပူးပေါင်းရင်းမြစ်များ

KINOBAḺIAN 37:10

Togoindopnea tatua inoumannea doman kon i amánea, bo sinorúan i amánea in sia, kai amánea, “Togoindopbí onu in natua? Iraimumai akuoi, ki inámu bo ki utatmu mita in mamangoi bo tumungkud mosumba kon inimu?”

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

DANIEL 10:16

Onda intua malaekat inta naonda bo intau tatua nopotonggó in ḻimanea bo noḻiai kon bibigku. Akuoi in noguman kon inia, “Tuang, oontongon tanaa in nokororiga totok kon ginaku nodapot in akuoi totokdon in diá nokopongonu.

DANIEL 10:8

Akuoi in sinaḷáan aku-akuoi mita, sindaḷan nonaridimai kon oontongon inta nokotaḻikokog tatua. Akuoi in diádon kodaya bo pogotku i inimilaidon totok.

DANIEL 11:27

Onda intua datu doyowa tatua in ḻimitú kon meja tobatú bo mongaan moyotakin, takin mosia in nonomayá kon inta moraat, bo mosia in mosiakaḷan. Táe tomayá monia tua in diábí motuoi sin deemanpa wakutunea.

DANIEL 12:13

Iko Daniel, kotoinduduidon modapot in kopaḷutannea. Iko in matoibí, táe mobiagbí bui sin motarima kon tondan in pinogaidanmu kon singgai tumi.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

DANIEL 4:16

Pomayádon mako in gina in intaunea mobaḷui mobaḻí gina in mahaḷuk kon bonu in pitu notaong.

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

DANIEL 7:15

Oontongon mita inta inontongku tatua in mokotoboḻingu bo mokoḻia-ḻiaw kon ginaku.

DANIEL 8:1

Kon taong intoḷunea kon pinomarentaan i Datu Belsyazar, akuoi in bui nokoontong kon oontongon nogindua.

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

DANIEL 8:19

“Akuoi in mopotaaubí kon inimu onu in mobaḻí kon singgai moiduduimai saḷaku bungai in torú i Allah. Sin oontongonmu tatua in mogumanbí kon onu in mobaḻí kon singgai tumi.

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

MARKUS 9:15

Naonda intau mita tatua nokoontong kon i Yesus, mosia in nongoitongau bodongka noribatuk nonontomu kon i-Nia.

LUKAS 2:19

Táe ouman tatua sinagú mako i Maria kon bonu in ginanea bo umuran kon bonu in raiannea.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

LUKAS 9:44

“Tarukira bo dika koḻiongan in singog-Ku tanaa: Ki Adí Intau posarakan kon kawasa in intau.”