DANIEL 7:17 - Alkitab Singog In Mongondow Masa In Tanaa

¹⁷ Sia in noguman, “Mahaḷuk mongoḷoben totok mita opat tatua in dodatuan opat inta moitukat mangoi kon dunia naa.

DANIEL 7:17 ပူးပေါင်းရင်းမြစ်များ

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

DANIEL 7:16

Bo diniuganku in intau tobatú inta sinimindog kon tua bo pinoigumanku kon insilang kon bayongan intua komintan. Dá pinotaaunea domandon.

DANIEL 7:18

Táe umat i Allah Inta Totok in moḷantud in motarimabí kon hak momarenta bo pomarentaannea in modapotbí in mononoi.”

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

WAHYU 13:11

Bo akuoi in buidon nokoontong kon tobatú mahaḷuk ibanea inta noitukat nongkon bonu in butá. Doyowa in tungoinea, naonda bo tungoi in ki adí in domba. Singognea naonda bo singog in naga.