DANIEL 6:25 - Alkitab Singog In Mongondow Masa In Tanaa

²⁵ Onda intua ki datu nomarenta kon intau sinbá modomok kon intau mita inta ain nopongadu kon i Daniel. Bo mosia takin ki adí mita bo ki buḷoi mita monia pinogonag kon bonu in angob in singa tatua. Diápa nodapot in mosia kon apad in angob tatua, singa mita tatua ain nodomok kon i monia poḷat nomutuk kon tuḷan mita monia.

DANIEL 6:25 ပူးပေါင်းရင်းမြစ်များ

EZRA 4:17

Ki datu in nokidia in tubag tanaa, “Kon i Gubernur Rehum bo kon i Simsai momomais in propinsi bo topotakin monia inta nogutun kon Samaria bo kon kotá mita ibanea kon propinsi Eprat Toyopan. Salam.

ESTER 3:12

Dá kon singgai in impuḷú botoḷúnea buḷan imitánea, ki Haman in nogoiní kon momomais mita i datu. Mosia in pinotabánea nomais kon surat podudui in bayongan inta pinarentanea, bo surat tatua in pinaisdon kon bonu in bayongan in singog inta pinaké kon dodatuan tatua. Surat tatua in pinais pinodoyon kon tangoi i Datu Ahasyweros bo cinapan in sisingnea, bo ḷagi pinoki dia kon pongawasa, kon gubernur bo intau moḷoben kon bayongan in propinsi. Tombonunea in parenta inta noguman kon tanggal in impuḷú botoḷúnea kon buḷan Adar, bayongan in bangusa Yahudi, pinomayá inta noguyang andeka inta noguod, pinomayá bobay andeka mongoadí, in mustibí ḻimodon diábí in taḻiban bo kapunyaan monia in gamáan.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

ESTER 8:9

Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

MAZMUR 7:15

Indoiaika, intau moraat monomayá kon inta moraat; sia in monomayá kon inta moraat bo monguboḷ.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

AMSAL 11:8

Intau mobanar in moisimparutbí kon roriga; intau moraat in moyodungkuḷbí in tongkuḷabot.

DANIEL 3:4

nomaḷúdon noropot totok in intau i datu, “Utat mita nongkon bayongan in bangusa, suku in bangusa bo bahasa! Indongogaidon in parenta i datu tanaa:

DANIEL 4:1

Naadon in palakat i Datu Nebukadnezar inta pinoki dianea kon intau mita nongkon bayongan in bangusa, inanakan bo singog kon sinangkub in dunia: “Salam kobiagan motompia!

ULANGAN 19:19

sia in mustibí motarima kon hukuman inta pinoponiat kon musungnea tatua. Aka natua in aidan monimu yo moiko in monginggamádon kon inta moraat tatua.

PETRUS 2 1:2

Poigumon mako ki Allah mobogoi in barakat bo kobiagan motompia totok kon i monimu, sin moiko ain nonotaau kon i Allah bo kon i Yesus Tuhan naton.

YUDAS 1:2

mopoigum mako: Sinbá ki Allah in umuran mobogoi in barakat, totabi bo kobiagan motompia kon i monimu.