DANIEL 6:18 - Alkitab Singog In Mongondow Masa In Tanaa

¹⁸ Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

DANIEL 6:18 ပူးပေါင်းရင်းမြစ်များ

SAMUEL 2 19:24

Ná doman tua in ki Mepiboset ki ompu i Saul, namangoi doman sin motomu kon i datu. Sia in diá nondarit kon sioḷnea, diá doman nongarug kon kuminea, bo diá nomatá kon pakeangnea pinangkoipa ki Datu Daud nonaḷámai kon Yerusalem nodapot in sia nobui takin saḷamat.

DATU MITA IMITÁNEA 21:27

Naonda in ki Elia nopaḷut nosingog, ki Ahab nomerak kon ḷambungnea bo nomaké in sosapi nobaḻí tomponuot kon nomanasaḷ, bodongka nopuasa. Kon mosiugkabí in sia yo momakébí doman in sia in sosapi, bo aka mayá, pogotnea in umurandon molamurú.

ESTER 6:1

Kon doḷom doman tatua ki datu diá nokosiug. Tuamai in pinoki gamánea in buk inta pinomaisan kon onu in nobaḻí kon dodatuan bo pinoki baca kon intau.

AYUB 21:12

Sinakinan in singog in rebana, bansí bo kecapi, mosia in modondong moyotakin bo motayok.

MAZMUR 137:2

Kon pangkoi mita in gandarusa kon butá tatua binambé nami in kecapi nami.

MAZMUR 77:4

Aka kotoropanku in ki Allah, mogamui in akuoi, aka tano-tano bo ku, ginaku modugang moḻemé.

MOHOHUTUBA 2:8

Sinipunku in saḷaka bo buḷawan inta inogoi saḷaku iba in datu mita inta kon butá inta kon bonu in kawasaku. Mododondong ḷoḷaki bo bobay moposanang in ginaku pinongin dondong mita monia. Oyúon doman in pahang mita tongonukabí in koibogku.

OMBAḶ 3:53

Akuoi in iḷumbú monia kobia-biag kon bonu in parigí inta noingkag bodongka binumbunan monia in batu.

DANIEL 10:3

Kon dodai intua diábí in akuoi nokaan kon kaanon inta mopia andeka ponoyá; akuoi in diábí nonginum kon anggur, bo diábí doman nonayi-nayidmai kon buok.

DANIEL 2:1

Kon doḷom tobatú, doyowa notaong naonda in ki Datu Nebukadnezar nomarenta, sinumogoindop in sia. Togoindopnea tua nokoajar totok kon ginanea, dá diádon in sia mokosiug bui.

DANIEL 6:19

Onda intua nobuidon in ki datu kon komaḻig. Sia in doíbí mongaan andeka ḻipoion. Bo kinoouput in doḷom tua diábí in sia nokosiug.

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.