DANIEL 5:29 - Alkitab Singog In Mongondow Masa In Tanaa

²⁹ Dá ḷagidon in ki Belsyazar nomarenta kon pogawainea mita sinbá mopopaké in jubah nokamumu kon i Daniel bo mopoboboḷ in boboḷ buḷawan kon sigogownea. Bo dinuínea in ki Daniel nobaḻí pongawasa nogintoḷu kon bonu in dodatuannea.

DANIEL 5:29 ပူးပေါင်းရင်းမြစ်များ

ESTER 10:3

Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

AMSAL 1:9

sin totundú mita monia in mokodugang kon kopopia in dodiamu naonda bo ḷambá in uḷu bo boboḷ inta mokodugang kon koḷoḷunatmu.

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

DANIEL 5:16

Bo bagu dinongogku kon iko in mokobukat kon bayongan inta noibuni bo mokopotaau doman kon onu inta mororiga mita raion. Aka iko mokobaca kon pais tanaa poḷat mokopotaau kon mangaḻenea kon inakó, yo iko in ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua iko in baḻíonku mongongawasa nogintoḷu kon bonu in dodatuanku.”

DANIEL 5:7

Bo nomaḷú totok in sia in nopoigum sinbá mononanow, mototaau bo intau inta nonotaau totok in bobayá in tundi in oiníon. Naonda in mosia namangoi, ki datu in noguman, “Ki ine in mokobaca kon pais tatua bo mopotaau in mangaḻenea kon inakó, yo ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua sia in duíonku mobaḻí mongongawasa intoḷunea kon dodatuanku.”

DANIEL 6:2

Ki Darius nosilai kon dodatuannea nobaḻí mogatut bo doyowa nopuḷú nopropinsi inta kon batúannea pinarenta in gubernur.