DANIEL 5:20 - Alkitab Singog In Mongondow Masa In Tanaa

²⁰ Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

DANIEL 5:20 ပူးပေါင်းရင်းမြစ်များ

DATU MITA 2 17:14

Táe Israel bo Yohuda in doíbí mokidongog. Motogat in gina in mosia naonda bo mogoguyang monia inta diá mopirisaya kon i Tuhan, Allah monia.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

IḶUAIAN 9:7

Datu in noḻibó mongoonu in nobaḻí, bo inoumandon kon inia kon bobiagon intau Israel diá tobatúmai in minatoi. Táe datu tantúpabí doman nokopotontogat kon gina bo diápabí doman inogoinea in bangusa tatua mayá.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

YEHEZKIEL 30:6

Ki Tuhan Inta Totok in moḷantud in noguman, “Nongkon Migdol kon utuan nodapot kon Aswan kon toḷatan, bayongan in yobayat in Mesir inta notobatú in matoibí kon poparangan. Bo tontara in Mesir inta moḷoḷatú tatua in morimumudbí posibayá. Akuoi ki Tuhan Inta Totok in moḷantud ain nosingog.

YEHEZKIEL 31:10

Tuamai, Akuoi, ki Tuhan Inta Totok in moḷantud, nopotaau kon inimu onu in inta mobaḻí kon pangkoi in kayu inta ḷuntungnea noitunduḷ kon goḷom tua. Sin koḷantud-koḷantud yo koḷoḷatú-koḷoḷatú in sia.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 4:26

Malaekat mita in nomarenta sinbá tuod in pangkoi in kayu tatua pomayá mako in moimuḷa mako kon butá. Tua in mangaḻenea kon ki Tuangku in mobaḻípabí datu naonda in ki Tuangku mongakudon kon ki Allah in kitogi kawasa kon sinangkub in dunia naa.

DANIEL 4:28

Bayongan intua in nobaḻí kon inakó, ki Datu Nebukadnezar.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

DANIEL 8:8

Bembé koḷakian tatua kodugang-kodugang in koḷobennea. Táe naonda in sia noidapotdon in totokan in kawasanea, noputoḷdon in tungoinea inta noḷoben tatua, bo kon tampat tatua nomuká in tungoi opat inta noiḷontú, kon batúannea posibayá in kinotundúannea.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

IBRANI 3:13

Manangka intua bá diá tobatúmai in kon sigad monimu in kotombodokan in aid inta moraat bo moḷawangdon kon i Allah, dá umurandon positongginaan in moiko pomuḷoi in singgai wakutu in tumpaḷapa nobiag kon masa inta sinangoian kon Buk Motusi “Singgai in Naa”.

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.