DANIEL 5:14 - Alkitab Singog In Mongondow Masa In Tanaa

¹⁴ Dinongogku kon iko in kinawasa in dimukud in dewa mita inta motusi, bo iko in inogoian in pandoi, pomomangaḻe, bo hikmat inta diá in poḻiuan.

DANIEL 5:14 ပူးပေါင်းရင်းမြစ်များ

KINOBAḺIAN 41:15

Ki datu noguman kon inia, “Akuoi ain sinumogoindop, bo diá tobatúmai intau mokopoguman kon mangaḻenea. Bo oyúon in nopotaau kon inakó kon iko in motaau mopoguman kon inakó in mangaḻe in togoindopku tatua.”

KINOBAḺIAN 41:38

Bo ki datu in noguman kon i monia, “Diá bidon kita mokouḻí kon intau ibanea inta ná ki Yusup naa, sin sia kinawasa in Roho i Allah.”

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

DANIEL 4:8

Imbuitnea namangoidon in ki Daniel inta dinonoi doman ki Beltsazar naonda bo tangoi in dewaku. Ki Daniel in kinawasaan in dimukud in dewa mita inta motusi. Inoumanku doman kon inia in togoindopku, kon inakó,

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

DANIEL 5:15

Intau mita mongopandoi bo mototaau ain nonungkuḷ nobaca kon pais tanaa bo mopotaau in mangaḻenea kon inakó. Táe diá nokobaca in mosia.

DANIEL 6:3

Ki Daniel bo intau doyowa ibanea in dinuínea sin moindoi kon oaidan in gubernur mita tatua sinbá ki datu diá porugionmai.