DANIEL 5:13 - Alkitab Singog In Mongondow Masa In Tanaa

¹³ Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

DANIEL 5:13 ပူးပေါင်းရင်းမြစ်များ

EZRA 10:16

Intau mita iḷumbú inta ain nobui tatua in umuranbí mopobayá in tomayá tatua, tuamai in ki Imang Ezra in nomiḻí kon tongonumai in intau kon sigad in tongguḷu mita in inanakan, bo nomais kon tangoi monia. Kon singgai imitánea buḷan impuḷúnea mosia in nomangkoidon nosidang sin monaridi kon pelekara tatua.

EZRA 10:7

Onda intua pinotaau-taaudon mako in tobatú parenta kon sinangkup in Yerusalem bo Yohuda kon bayongan in intau inta ain nobui nongkon pinoḷumbúan, sinbá moyosipun kon Yerusalem.

EZRA 4:1

Habar kon intau mita inta nobui nongkon pinoḷumbúan tatua in koyogotdon moposindog in Baḷoi Tuhan, Allah in Israel, kinodongogandon in musung in intau in Yohuda bo in Benyamin.

EZRA 6:16

Onda intua takin pia in gina intau mita in Israel, imang mita, intau mita in Lewi bo bayongan intau inta nobui nongkon pinoḷumbúan in nokopoḷapat kon Baḷoi Tuhan tatua.

DANIEL 1:1

Toḷu notaong naonda in ki Datu Yoyakin nomarenta kon Yohuda, ki Nebukadnezar datu in Babel, nonubu kon kotá in Yerusalem bo nongopung kon kotá tatua.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

DANIEL 1:21

Ki Daniel in umuranbí nopobayá in oaidan nodapot kon i datu Koresh nongkon Persia nopotungkud in Babel.

DANIEL 1:6

Kon sigad in tayow mobiag mita tatua oyúon doman in ki Daniel, ki Hananya, ki Misael bo ki Azarya, komintan nongkon suku in Yohuda.

DANIEL 2:25

Dá ḷagidon dinia i Ariokh in ki Daniel minayá kon i Datu Nebukadnezar bo noguman, “Bobantung naa in nokouḻídon kon sigad in intau mita iḷumbú nongkon Yahudi intau tobatú inta mokopotaau kon mangaḻe in togoindop i Tuangku.”

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

DANIEL 5:11

Sin kon bonu in dodatuan i Tuangku oyúon in ḷoḷaki tobatú inta kinawasa in dimukud in dewa mita inta motusi. Kon dodai in pinomarentaan i amá i Tuangku, noniatadon kon intau tatua in totok mopandoi, momangaḻe bo kohikmat, inta naonda bo hikmat in dewa mita. Ki amá i Tuangku ki Datu Nebukadnezar ain noduí kon inia nobaḻí itoi in mogogoiní kon dimukud, mototaau bo in intau mita inta mobayong in sinotaau bo inta nonotaau in bobayá in tundi.

DANIEL 5:14

Dinongogku kon iko in kinawasa in dimukud in dewa mita inta motusi, bo iko in inogoian in pandoi, pomomangaḻe, bo hikmat inta diá in poḻiuan.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

DANIEL 5:2

Koyogot in mosia nonginumai, ki Belsyazar in nokigamá in palo mita buḷawan bo saḷaka, inta ain inagow i Nebukadnezar, ki amánea, nongkon Baḷoi i Tuhan kon Yerusalem. Makusud i Datu Belsyazar in bá intau mita moḷoben, ki buḷoinea mita, bo pahangnea mita bo sia doman tontaní, in monginum kon palo mita tatua.

DANIEL 6:13

minayádon in mosia komintan kon i datu sin mopongadu kon i Daniel. Mosia in noguman, “Ki Tuangku in notekengdon kon surat parenta inta moguman kon diápa ogoi in bayongan intau kon bonu in toḷu nopuḷú nosinggai naa in mopoyaput in oigum kon i dewanea andeka kon intau koḻikudbí in kon i Tuangku! Bo noguman doman, kon ki ine in ḻimimpat kon parenta tatua yo pogambatbí kon bubú in singa?” Ki Datu in notubag, “Totuu, bo parenta tatua in nobaḻídon undang-undang in Media bo Persia inta diábí motaau inggamáan bui.”

DANIEL 8:1

Kon taong intoḷunea kon pinomarentaan i Datu Belsyazar, akuoi in bui nokoontong kon oontongon nogindua.

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 7:3

Dá ki utat mita i Yesus in noguman kon i-Nia, “Taḷaaidon in tampat tanaa bo bayádon in Yudea, sinbá murí-Mu mita in mokoontong doman kon oaidan-Mu.