DANIEL 4:35 - Alkitab Singog In Mongondow Masa In Tanaa

³⁵ Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

DANIEL 4:35 ပူးပေါင်းရင်းမြစ်များ

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

MAZMUR 135:6

Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

MAZMUR 33:14

Nongkon pomomarentaan-Nea ki Tuhan in nonaridi kon bayongan inta nogutun kon butá.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

MAZMUR 49:1

Mazmur in inanakan i Korah. Kon i itoi in mododondong.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

MOHOHUTUBA 8:4

Datu mopomaké in kawasa nea; diábí in mokobaḻí momayow kon inia!

YESAYA 19:17

Butá in Yohuda in mobaḻí kodoḻiokan kon intau in Mesir pomuḷoi in mosia popotoropan kon inta sinantú i Tuhan Inta Totok in mokawasa soaḷ mosia.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YESAYA 43:13

modapot in mononoi Akuoi in umuranbí Allah. Diábí in mokoḷagui nongkon kawasa-Ku, andeka moḷamboi kon tomayá-Ku.”

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

YUNUS 1:14

Tuamai in nokuani in mosia kon i Tuhan, “O Tuhan, kami in mopoigum kaasí, donaaidon pomayá mako in kami matoi popisí in mogamá kon nyawa in intau inta diá nogaid kon onuka in taḷá kon inami. O Tuhan, Iko in nomiadon kon onu in kinoibog-Mu.”

OUMAN IN RASUL MITA 11:17

Dá tantú notarang bidon kon ki Allah in mobogoibí doman in totabi-Nea kon intau inta deeman Yahudi, ná totabi inta inogoi-Nea kon inaton wakutu in kita bagu nopirisaya kon i Tuhan Yesus Kristus. Tuamai, diábí doman inta ampaganku in ki Allah!”

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

OUMAN IN RASUL MITA 5:39

Tongá aka tua bo nongkon i Allah yo diábí mokopongonu in moiko, modapotbí in moniata kon moḷawangbí kon i Allah in moiko.” Tonggina tatua inindongogan monia.

OUMAN IN RASUL MITA 9:5

Dá ki Saulus in noḻibó, “Ki ine in Iko Tuang?” Dá kain tubag in singog tatua, “Akuoi naa in ki Yesus inta pinogutúmu tua.

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

KORINTUS 1 2:16

Sin kon bonu in Buk Motusi pinaisdon nanaa, “Ki inebí in mokotaau kon raian i Tuhan? Bo ki inebí in motaau mononggina kon i-Nia?” Táe pikiran i Kristus in oyúonbí kon inami!

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

YOSUA 2:2

Kinodongogandon i datu in Yerikho kon doḷom tua oyúon intau in Israel inta namangoi monaridi kon butá in Yerikho.

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”