DANIEL 4:27 - Alkitab Singog In Mongondow Masa In Tanaa

²⁷ Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

DANIEL 4:27 ပူးပေါင်းရင်းမြစ်များ

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

AMSAL 11:2

Intau inta moḷoḷatú in singkuḻeonbí; intau inta moompá in dodia in mobijaksana.

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YESAYA 10:13

Datu in Asyur mongambungangaḷ, kainia, “Tua komintan inaidanku pinongin kawasaku tontaní. Akuoi in mobijaksana bo mopandoi. Pinopatanku in sigad mita in bangusa mita, bo inagowku in tongkaaḷ monia. Naonda bo bantong akuoi in noritak kon intau mita inta nomarenta.

YESAYA 47:10

Kainimu iko in moaman aka mogaid kon inta moraat, kainimu kamai dá aidmu tatua in diábí sinontongan mako. Iko in pinoḷaḻe in kabijaksanaan bo sinotaaumu, kainimu kamai diábí in ná iko.

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

YEREMIA 38:20

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i Tuhan; dá tua komintan in moḷapatbí, bo ki Tuang datu in diábí ḻimodon.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

YEHEZKIEL 29:9

Mesir in mobaḻídon butá inta moingongow totok. Dá kotaauandon monimu kon Akuoibí in ki Tuhan.” Ki Tuhan in noguman, “Ei datu in Mesir! Popisí in iko in noguman kon Ongkag in Nil iko in kitogi bo iko in nomia,

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

AMOS 6:13

Moiko in umambungangaḷ in moguman kon sinaḷowdon monimu in Lodebar. Moiko in noguman doman, “Tugatbí in ropot nami in mogagow kon Karnaim.”

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

HABAKUK 1:11

Bo ná koḻikat in tompot nobuatdon in intau mita inta nopongata in ropotnea tontaní tatua.”

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

MATIUS 3:8

Poponiatapa muna kon oaid monimu kon moiko aindon totu-totuu nogogai in mogaid kon dosamu mita.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

OUMAN IN RASUL MITA 24:25

Táe naonda in ki Paulus nongonguman kon soaḷ mobiag moitutui, soaḷ monahang kon napusu bo soaḷ hukuman kon singgai tumi, inagían ondok in ki Peliks dá nogumandon nanaa in sia, “Iko in motaaudon mayá in tanaa. Bain aka oyúon in kasampatan mopia, buikubí pokioiní in iko.”

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

OUMAN IN RASUL MITA 8:22

Tuamai Inggamáaidon in raianmu inta mongoraat bo poigum kon i Tuhan sinbá ampungan-Nea in raianmu mita tatua!

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

ULANGAN 32:27

Táe doíbí in Akuoi aka musung in Israel dumodia; dika-dika bo moitaḷá mosangka bo moguman kon mosia in nonaḷow kon umat-Ku,’ bokaka Akuoibí in nogaid kon tua.

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.