DANIEL 2:31 - Alkitab Singog In Mongondow Masa In Tanaa

³¹ Naa in oontongon inta inontong i Tuangku: Kon tayowon i Tuangku oyúon in patong tobatú! Patong tatua in moḷoben totok, bo mopouḻi-uḻinag táe batangannea in mokokoningkim totok.

DANIEL 2:31 ပူးပေါင်းရင်းမြစ်များ

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

DANIEL 2:36

Tuata in togoindop i Tuangku, bo tanaa in bobantung in mopotaau in mangaḻenea.

DANIEL 2:37

Inta momulia ki Tuangku in datu in bayongan datu; ki Tuangkubí in inta totok in inogoian in kawasa moḷoben. Ki Allah kon soroga ain nobogoi kon i Tuangku in dodatuan tanaa, kawasa bo ropot bo koagungan.

DANIEL 3:1

Kon singgai tobatú ki Datu Nebukadnezar nomia kon patong buḷawan tobatú inta koḷantudnea in doyowa nopuḷú bo pitu nometer bo kooḷadnea in gogió bo toḷu nometer, Pinosindognea intua kon ḷopá in Dura kon Propinsi Babel.

DANIEL 4:36

Naonda in nosadardon bui in akuoi, dá koḷoḷoben, kamuliaan bo kopopia in dodatuanku inogoidon bui kon inakó. Akuoi in sinontomu in pogawaiku mita bo in intau moḷobenku mita, bo akuoi in pinoki kadaiandon bui in dodatuanku, nodapotbí in kamuliaanku in nodugangdon kon inta muna.

HABAKUK 1:7

Kon bayongan in tampat mosia in mokopomuká kon ondok; moidoyon kon ḷoḷatú mosia in mondoí kon bayongan in hukum koḻikudbí in inta moidudui kon ibog monia.

MATIUS 4:8

Onda intua Sia in dinia in Ibilis minayá kon tudu in buḷud inta totok in moḷantud, kon tua sinundúnea kon i Yesus in bayongan dodatuan kon dunia takin kogaganea,

LUKAS 4:5

Bo Ibilis in nodia kon i Yesus minayá in tampat inta moḷantud bo sinundúnea kon i Yesus in bayongan dodatuan in dunia