DANIEL 2:26 - Alkitab Singog In Mongondow Masa In Tanaa

²⁶ Dá nogumandon in ki datu kon i Daniel inta dinonoi doman ki Beltsazar, “Degá motaau in iko mopotaau kon inakó in togoindopku takin mangaḻenea?”

DANIEL 2:26 ပူးပေါင်းရင်းမြစ်များ

KINOBAḺIAN 41:15

Ki datu noguman kon inia, “Akuoi ain sinumogoindop, bo diá tobatúmai intau mokopoguman kon mangaḻenea. Bo oyúon in nopotaau kon inakó kon iko in motaau mopoguman kon inakó in mangaḻe in togoindopku tatua.”

DANIEL 1:7

Tongguḷu in motoḷuadí in komaḻig nomaḷui kon tangoi mita monia nobaḻí: ki Beltsazar, ki Sadrakh, ki Mesakh bo ki Abednego.

DANIEL 4:8

Imbuitnea namangoidon in ki Daniel inta dinonoi doman ki Beltsazar naonda bo tangoi in dewaku. Ki Daniel in kinawasaan in dimukud in dewa mita inta motusi. Inoumanku doman kon inia in togoindopku, kon inakó,

DANIEL 5:12

Sia diá in poḻiuan kopopandoi bo kobobijaksana bo motaau domandon totok in moginsilang kon mangaḻe in togoindop, mobuká kon onu inta noibuni bo moguman kon onu mita inta mororiga raion. Tangoinea in ki Daniel, táe dinonoi i datu ki Beltsazar in sia. Oiní in sia. Sia in mopotaaubí kon i Tuangku onu in mangaḻe in pais tatua.”

DANIEL 5:16

Bo bagu dinongogku kon iko in mokobukat kon bayongan inta noibuni bo mokopotaau doman kon onu inta mororiga mita raion. Aka iko mokobaca kon pais tanaa poḷat mokopotaau kon mangaḻenea kon inakó, yo iko in ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua iko in baḻíonku mongongawasa nogintoḷu kon bonu in dodatuanku.”

DANIEL 7:1

Kon doḷom tobatú, kon taong imitánea ki Belsyazar nobaḻí datu kon Babel, akuoi, ki Daniel in sinumogoindop bo nokouḻí kon oontongon. Togoindop tatua in pinaisku bo naa in poyaputku onu inta inontongku: Tompot moropot nogirup nongkon bayongan tampat bo nokopopisí kon nomuká in deḷang kon baḷangon.

SAMUEL 1 17:33

“Dika,” tubag i Saul. “Diábí kumaan kon akaḷ aka iko in monayow kon intau in Pilistin tatua, sin iko nion in nobagupa totok, bo sia tua in nongkon nobagupamai koyongandon mobiasa moparang.”