DANIEL 11:44 - Alkitab Singog In Mongondow Masa In Tanaa

⁴⁴ Bo habar nongkon pomukaan bo utuan in mokotaḻikokogbí kon inia, dá moparangdon totok in sia bo moḻimod kon mobayong in intau.

DANIEL 11:44 ပူးပေါင်းရင်းမြစ်များ

DANIEL 11:11

Dá sinumorúdon in ki datu in butá in toḷatan, bo mayábí in sia kon popoparangan bo monayow kon i datu in butá in utuan. Sia in mokotaḷowbí kon tontara mobarong inta dinia i datu in butá in utuan.

DANIEL 11:30

Sin intau mita in Rum takin kapaḷnea mita in mamangoi nongkon Siprus bo momarang kon inia, dá angoiandon totok in ondok in sia. Bo mobuidon in sia takin tumorú totok bo moḷongasi morimumud kon agama in umat i Allah. Sia in dumuduibí kon tonggina in intau inta ain nomaḻidawan kon agama tatua.

DANIEL 11:43

Sia in mogagowbí kon kapunyaan in Mesir ná buḷawan bo saḷaka takin kapunyaan ibanea inta totok in momahaḷ. Sia in duḷuanbí in intau in Libia bo Sudan.

DANIEL 11:45

Noidapotbí in sia moposindog in ḷoḷaigan in dodatuannea kon sigad in dagat bo buḷud tampat in Baḷoi Tuhan. Táe onda intua matoi in sia bo diábí tobatúmai in intau in motuḷung kon inia.”

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.