DANIEL 11:33 - Alkitab Singog In Mongondow Masa In Tanaa

³³ Intau mita inta mobijaksana inta nobaḻí itoi in rayat in mopomangaḻebí kon mobayong in intau. Táe diá moonggot kon tua, tongonumai in kon sigad monia tua in koḻimodan popisí in parang andeka popisí in tuḷú, bo tongonumai doman in intau in pogagowan bo dakopon.

DANIEL 11:33 ပူးပေါင်းရင်းမြစ်များ

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 20:23

Ki Yesus in noguman kon i monia, “Roriga-Ku memang inumonbí monimu, táe aka monantú ḻimitú kon dotá in koḷanan-Ku andeka kon dotá in koḷoigi-Ku, diábí in hak-Ku mobogoi. Sin tua in ogoibí kon intau mita inta aindon pinoposadiaan i Amá-Ku.”

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

OUMAN IN RASUL MITA 11:26

Naonda in noyodungkuḷnea in ki Saulus, dinianea minayá in Antiokhia nogutun totaong kon tua bo noyobiag takin jamaat kon tua poḷat doman notundú kon mobarong in intau. Kon Antiokhia tuata in intau mita inta mopirisaya kon i Yesus muna-munamai sinangoian Keresten.

OUMAN IN RASUL MITA 14:21

Kon Derbe, ki Paulus bo ki Barnabas nopoyaput doman in Habar Mopia bo nobayongdon in intau in nobaḻí nopirisaya kon i Yesus. Onda intua mosia in nobuidon kon Listra, bo minayá kon Ikonium bo Antiokhia inta kon Pisidia.

KORINTUS 1 4:9

Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

IBRANI 11:34

tuḷu inta noborambang nopiong monia, bo mosia in diábí kinotakuḷan. Mosia in noḻemé táe nobaḻí noropot, mosia noḷoḷakidon kon pinoparangan sahingga in sinaḷow monia in tontara mita in bangusa ibanea.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.