DANIEL 11:29 - Alkitab Singog In Mongondow Masa In Tanaa

²⁹ Diá moonggot kon tua monubu bui in sia kon butá in toḷatan, táe bungainea in torupabí nongkon inta muna.

DANIEL 11:29 ပူးပေါင်းရင်းမြစ်များ

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

DANIEL 10:1

Kon taong intoḷunea kon pinomarentaan i Datu Koresh kon Persia, koyow tobatú pinoniata kon i Daniel inta dinonoi doman ki Beltsazar. Koyow tatua in totuubí, táe mororiga totok komangaḻean. Kon dodai in moḷongasi momangaḻe kon tua ki Daniel in notarima kon insilang soaḷ mangaḻe in koyow tatua kon bonu in tobatú oontongon.

DANIEL 11:23

Sia in moḻiongbí kon dodandian mita inta bagupa pinomianea takin bangusa mita ibanea. Bo kodugang-kodugangdon in ropotnea, umpakabí tongá in sia nomarenta kon negara inta nointok.

DANIEL 11:25

Onda intua mobaranidon totok in sia in mogoiní kon intau mobayong sin baḻíon tontara sin monubu kon datu in butá in toḷatan inta ain nosadia domandon monayow kon inia takin tontara inta moropot bo mobarong totok. Táe ki datu in butá in toḷatan diábí mokotongod sin sia in inuboḷan.

DANIEL 11:28

Onda intua datu in butá kon utuan in mobui kon butánea takin kodia-dia in bayongan pakakat inta inagow inta nouḻínea. Sia in moniat mako kon morimumud kon agama inta pinirisaya in umat i Allah. Sia in mogaidbí kon onu in koibognea aidan bodongka mobui kon butánea tontaní.

DANIEL 11:30

Sin intau mita in Rum takin kapaḷnea mita in mamangoi nongkon Siprus bo momarang kon inia, dá angoiandon totok in ondok in sia. Bo mobuidon in sia takin tumorú totok bo moḷongasi morimumud kon agama in umat i Allah. Sia in dumuduibí kon tonggina in intau inta ain nomaḻidawan kon agama tatua.

DANIEL 8:19

“Akuoi in mopotaaubí kon inimu onu in mobaḻí kon singgai moiduduimai saḷaku bungai in torú i Allah. Sin oontongonmu tatua in mogumanbí kon onu in mobaḻí kon singgai tumi.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.