DANIEL 11:26 - Alkitab Singog In Mongondow Masa In Tanaa

²⁶ Mononongginanea mita inta totok in modagin kon inia in mopoḷabúbí kon inia. Mobayong in tontaranea mita in koḻimodan, bo tontaranea mita in yompatonbí kodariton.

DANIEL 11:26 ပူးပေါင်းရင်းမြစ်များ

DATU MITA 2 8:14

Naonda in ki Hazael nobui kon komaḻig, noḻibódon in ki Benhadad, “Onu in pinoguman i Elisa?” “Sia in noguman kon ki Tuang Datu in mopiapabí,” tubag i Hazael.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

DANIEL 11:10

Bo ki adí ḷoḷaki mita i datu kon butá in utuan in monouḷutdon sin moparang bo inoinínea in intau mobarong sin baḻíon tontara. Tobatú kon sigad monia tua in monubu naonda bo ḷunud. Kon ponubuan induanea sia in monubu kon dinding tondok in musung.

DANIEL 11:22

Bayongan in tontara inta moḷawang kon inia, nodapot in Imang Moḷobenpa, in upetonneabí modait poḷat yopúon.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

MATIUS 26:23

Ki Yesus noguman, “Sia inta noyododai-Ku nopoḷodok in roti kon bonu in palo tanaa, sia tua inta moposarakan kon i-Nakó.

MARKUS 14:20

Tubag i Yesus, “Sia tua in tobatú murí kon sigad monimu mopuḷú bodoyowá naa, inta mongaan topindanan-Ku.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’