DANIEL 11:17 - Alkitab Singog In Mongondow Masa In Tanaa

¹⁷ Onda intua datu kon butá in utuan moposadia in bayongan tontaranea sin monubu kon butá in toḷatan. Bo takin makusud mongawasa kon bayongan in dodatuan in musungnea, sia in momiabí kon yopakat takinnea bo mopoyotonibuḷoi in adínea bobay takin i datu in Mesir tatua; táe tomayánea tatua in diábí kodapotan.

DANIEL 11:17 ပူးပေါင်းရင်းမြစ်များ

DATU MITA 2 12:17

Kon dodai intua ki Hazael datu in Siria nonubu bo iḻitúannea in kotá in Gat. Bo moniatdon in sia monubu kon Yerusalem doman.

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

MAZMUR 56:9

Iko in nogiap kon singgai mita binaya-bayáanku mako, bo nonotaau kon kobayong in ḷuáku; yo degá diá iniap-Mu intua?

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

YEHEZKIEL 17:17

Nodapotbí in tontara mita in Mesir inta motoyang tua, diábí mokotongod in motuḷung kon inia nongkon pinonubuan in intau mita in Babel inta nonontontudu kon butá bo nongaḻi kon got mita sin moḻimod kon intau mobayong.

YEHEZKIEL 25:2

“Ei intau ilo-ilow, kutukdon in butá in Amon.

YEHEZKIEL 4:3

Gamádon in pansi uatoi bo anggapdon tua dinding uatoi tobatú; ukat in pansi tatua kon sigadmu bo kotá in Yerusalem. Onda intua tayowdon kon kotá tatua naonda bo iko in nongopung kon tua. Tua in mobaḻí lambang kon bangusa in Israel.

YEHEZKIEL 4:7

Indoiaidon in pongopungan kon Yerusalem. Tonggódon in koyungkummu kon kotá tatua bo poyaputdon in koyow-Ku soaḷ hukuman kon i monia.

DANIEL 11:19

Datu in butá in utuan tatua in mobuibí kon tondok dinding mita in butánea tontaní, táe sia in taḷowondon bo diá bidon in habar bui kon inia.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

HABAKUK 1:9

Tontaranea in monubu sin mogaid kon diá mopia, bayongan in intau moondok in mokoontong kon koangoian monia. Dinakop monia diádon koiyapan in kobayongnea.

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

LUKAS 11:23

Intau inta umuran momaḷawang kon i-Nakó, mosaturu kon i-Nakó. Bo intau inta doí moduḷu mogaid kon oaidan-Ku, sia tua in momoguyaat kon oaidan-Ku!”

LUKAS 9:51

Naonda in modiugdon wakutu i Yesus mayá in soroga, sinantú-Neadon kon Sia in mayádon in Yerusalem.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?