DANIEL 10:20 - Alkitab Singog In Mongondow Masa In Tanaa

^20-21 Bo sia in notubag, “Kinotaauanmu degá mongo nongonu sin namangoi in akuoi kon inimu? Makusudnea in moguman kon inimu onu inta pinais kon bonu in Buk Kobobanar. Tanaa akuoi in musti mobui sin moparang monayow kon malaekat moḷoḷukad Persia. Nopaḷut mako kon tua malaekat moḷoḷukad kon Yunani in mamangoi. Diábí in motuḷung kon inakó koḻikudbí in ki Mikhael, malaekat moḷoḷukad in Israel, negaramu.

DANIEL 10:20 ပူးပေါင်းရင်းမြစ်များ

EZRA 4:4

Onda intua intau mita inta ain noonggot in nogutun kon butá tatua nomangkoidon monginggamá kon ibog in intau in Yahudi poḷat doman mopogogondok kon i monia sinbá oaidan tatua pogogaiondon.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

DANIEL 10:13

Malaekat moḷoḷukad kon dodatuan in Persia noḷawang kon inakó doyowa nopuḷú bo mita nosinggai in koonggotnea. Bo ki Mikhael, tobatú itoi in malaekat mita, namangoi bo notuḷung kon inakó. Sinaḷáanku in sia kon tua, kon Persia.

DANIEL 7:6

Naonda in sinaridikumangoi, noitukat domandon in mahaḷuk ibanea. Batangannea in naonda bo macan tutul, táe kon ḻikudnea oyúon in koḻikip in ḷagapan bo uḷunea in opat. Koontongan mokobangkaḷ in sia.

DANIEL 8:21

Bembé koḷakian tatua in nobaḻí lambang in dodatuan Yunani, bo tungoi inta noiḷontú kon sigad in matanea doyowa tatua in dodatuannea inta muna.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.