AYUB 9:20 - Alkitab Singog In Mongondow Masa In Tanaa

²⁰ Akuoi in motoindudui bo diá nogaid kon dosa, táe bibigku naonda bo moguman kon inta noyoposi kon tua; pomuḷoi in singog inta momuká kon bibigku, naonda bo mopotaḷá kon inakó.

AYUB 9:20 ပူးပေါင်းရင်းမြစ်များ

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 10:15

Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

AYUB 14:17

Dosaku in ampungan-Mu bidon bo posíon-Mu bidon; taḷáku dungkuḷmai in popatan-Mu bidon.

AYUB 34:35

kon ki Ayub in mosingog takin diá momangaḻe, bo tosingogonnea diá in mangaḻenea.

AYUB 35:16

Diábí in mangaḻe in pongingguputanmu kon tosingogonmu, nosilangdon, diábí kinotaauanmu onu in siningogmu.

AYUB 4:17

‘Degá intau in mobiag takin diá in taḷá kon tayowon i Allah? Degá diá in taḷánea kon mata i Inta nomaḻí kon inia?

AYUB 9:15

Umpaka akuoi diá kotaḷá, onu in dayaku, koḻikud in mopoigum in totabi kon i Allah hakimku?

AYUB 9:29

Dá, aka natua, onupabí in motaauku aidan?

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

AMSAL 17:20

Intau inta mouboḷ in diábí mosanang, intau inta tongá kinosingo-singognea in mokouḻíbí kon bodito.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

LUKAS 10:29

Táe mototundú kon agama tatua doí taḷowon, dá sia in noḻibó bui kon i Yesus, “Ki inebí inta sinangoi tumpaḷa intau?”

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.