AYUB 7:20 - Alkitab Singog In Mongondow Masa In Tanaa

²⁰ Ei moḷoḷukadku, morugi degá in Iko popisí in dosaku? Nongonu sin tanáan-Mubí mako in piot-Mu in akuoi? Degá mobogatdon totok in aidku kon ini-Mu?

AYUB 7:20 ပူးပေါင်းရင်းမြစ်များ

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

AYUB 10:14

Iḷukadan-Mu in akuoi dika-dikabo mogaid kon noitaḷá sinbá diá ogoian-Mu in pongampungan.

AYUB 10:2

Oo Allah, dikadon in akuoi potaḷáan-Mu; insilangaidon nongonu sin akuoi in iḷawang-Mubí.

AYUB 10:6

Aka natua, nongonu sin tayakon-Mubí in bayongan dosaku? nongonu sin aḷowan-Mubí in pomuḷoi in taḷáku?

AYUB 13:26

Sinantú-Mudon in kobiagan inta mopait kon inakó; Sinuḻían-Mu in taḷáku kon dodai in akuoi noguodpa.

AYUB 14:16

Bo umuran ḷukadan-Mu in ḷangkadku mita, táe diá bidon indoian-Mumai in dosaku.

AYUB 22:5

táe popisíbí in nobayong totok in dosamu, bo totuu moraat in aid bo dodiamu.

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

AYUB 31:33

Intau ibanea in mobunibí kon dosanea, táe diábí dodai in onda in akuoi nomia ná mosia.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 35:3

Nohilap in iko aka moḻibó, onu in pongaru in dosamu kon i-Nia; bo kauntungan onu in tarimaanmu aka iko bo diá nogaid kon dosa.

AYUB 35:6

Aka iko bo binaradosa, diábí morugi in ki Allah. Aka mobayong in taḷámu, diábí in Sia kopongaruan.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 21:12

Aka mosia bo monomayá kon monayow kon i datu, tombuḻitok monia in diábí mokodapot.

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

MAZMUR 80:4

O Allah, tompiadon bui in kami; bobuipa kaasí in kami takin pia in gina, dá mosaḷamat in kami.

OMBAḶ 3:12

Sia in nomadangdon kon puḷu in piot-Nea bo akuoi in pinopotanaan-Nea mako in piot-Nea.