AYUB 6:30 - Alkitab Singog In Mongondow Masa In Tanaa

³⁰ Degá kai monimukamai dá nonguboḷbí in akuoi, diá motaau mopoyoposi kon inta mopia bo inta moraat?

AYUB 6:30 ပူးပေါင်းရင်းမြစ်များ

KINOBAḺIAN 37:33

Kinotaauan i Yakub in jubah tatua, bo sia in noguman, “Totuu, jubah i adíku in naa! Pasti sia dinomokdon in mahaḷuk mokokaan kon intau. Kaasí, ki adíku ki Yusup ain minatoi pinoguraat in mahaḷuk tatua!”

AYUB 11:4

Podudui in raianmu tosingogonmu mita tatua in diábí noitaḷá; aka kon raianmu iko in nodaritbí kon tayowon i Allah.

AYUB 12:11

Naonda bo diláku moibog monanam kon kaanon inta mopia, natua doman in bongoḷanku moibog mokidongog kon tosingogon.

AYUB 34:3

Kotaauan in intau kon kaanon tua in mopia naonda in konanamannea, bo tosingogon moarip aka indongogannea.

AYUB 6:6

Táe kaanon inta noḻiau, ki inebí in moibog? Diábí doman pusi in natu bo oyúon in nanamnea?

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.