AYUB 6:29 - Alkitab Singog In Mongondow Masa In Tanaa

²⁹ Dika mopoaid kon inta diá motuḻid, kosadardon! Dika mopotaḷá kon inakó, akuoi in totuubí kon diá kotaḷá.

AYUB 6:29 ပူးပေါင်းရင်းမြစ်များ

AYUB 10:15

Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 17:10

Táe aka kuma bo moiko komintan mamangoi in naa, diádon tobatúmai in intau mobijaksana in mouḻíku.

AYUB 19:6

Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 34:5

Guman i Ayub, ‘Diábí in noitaḷá kon inakó, táe ki Allah in doí mobogoi kon onu in moadil kon inakó.

AYUB 42:1

Tubag i Ayub kon i Tuhan, “Kinotaauanku, o Allah, kon Iko Inta Totok in mokawasa; Iko in mokoaidbí kon onukadon.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”