AYUB 5:25 - Alkitab Singog In Mongondow Masa In Tanaa

²⁵ Ki adí bo ki ompumu in diá bidon koiapan, mosia in nádon kobayong in bonok kon rawang.

AYUB 5:25 ပူးပေါင်းရင်းမြစ်များ

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

MAZMUR 112:2

Ki adí-Nea mita in mongawasabí kon butá tanaa, buí in intau mopia in barakatanbí.

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.