AYUB 5:19 - Alkitab Singog In Mongondow Masa In Tanaa

¹⁹ Aka anib bo mopogogondok, iko in umuranbí posaḷamaton.

AYUB 5:19 ပူးပေါင်းရင်းမြစ်များ

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 34:20

Mobayongbí in roriga in intau mopia, táe ki Tuhan in mopoḷuatbí kon inia nongkon bayongan intua.

MAZMUR 66:12

Pinomayá-Mu mako in kami iyunta-yuntai in musung; kami in nongin ḷunud bo tuḷú. Táe tanaa in dinia-Mudon in kami kon tampat inta mopia totok.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

AMSAL 6:16

Pitu in pelekara inta kinodoí i Tuhan bo inta diá motaau tongá pomayá-Nea mako: Dodia inta moḷoḷatú, bibig inta mosingog kon uboḷ, ḻima inta moḻimod kon intau diá kotaḷá, utok inta monomayá kon oaid mita inta moraat, sioḷ inta ḻimikat in mayá mogaid kon inta moraat, sakusi inta umuran monguboḷ, bo intau inta mokopomuká kon sosaturuan kon sigad in yobayat.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:25

Tubag i datu, “Táe nongonu sin taya opatbí in inontongku in intau nodondaḷoi kon yua-yuak in tuḷú tatua? Mosia in diábí noitogot bo beresibí diá nongonumai. Bo taya opat tatua pogot monia in naonda bo dewa.”

DANIEL 6:16

Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

DANIEL 6:17

Dá imbuitnea pinarentaandon i datu sinbá ki Daniel in domokondon bo pogonag kon bubú in singa. Guman i datu kon i Daniel, “Poigumon mako ki Allahmu inta sinumbamu takin satia tua in moposaḷamat kon inimu.”

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 2 1:8

Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,