AYUB 5:17 - Alkitab Singog In Mongondow Masa In Tanaa

¹⁷ Nomujurdon totok in iko aka ki Allah nonoboḷow kon inimu! Dika moyaat in gina aka torúan-Nea in iko.

AYUB 5:17 ပူးပေါင်းရင်းမြစ်များ

AYUB 11:13

Ayub, daritaidon in ginamu, pomanasaḷdon! Posambayangdon kon i Allah!

AYUB 15:11

Nongonu sin ḷoḻipoi i Allah in mororigamubí tarimaan? Siningog nami pinongin sabar bo moḷukó pinodoyon kon tangoi-nea.

AYUB 36:15

Ki Allah in notundú kon intau pinongin roriga, Pinaké-Nea in roriga sin mopotoingat kon inia.

AYUB 36:16

Ki Allah in nopoḷuatdon kon inimu nongkon roriga, dá iko in mokorasadon kon kopiaan, bo meja pongongaananmu in mopuḻing in kaanon.

AYUB 8:5

Táe aka Iko moniung kon i-Nia, mopoigum in totabi bo mopoigum in ampung,

MAZMUR 118:18

Ki Tuhan in totokdon in nopororiga kon inakó, táe diábí in akuoi inogoi-Nea kon popatoi.

MAZMUR 94:12

Pia in kamang in intau inta sinundú-Mu, o Tuhan, intau inta sinundúan-Mu in hukum-Mu mita.

YEREMIA 31:18

Dinongog-Ku umat in Israel noguman takin robonoḷ in gina, ‘O Tuhan, kami naa in naonda bo biag inta diápa iyonok táe sinundú-Mu in kami sinbá motoindudui, bo tanaa kami in nosadiadon mobui mangoi kon ini-Mu. Dá, diádon in kami mobui, o Tuhan, Allah nami.

ULANGAN 8:5

Toropdon kon ki Tuhan Allahmu motundú kon i monimu naonda bo ki amá motundú kon i adínea mita.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.