AYUB 5:14 - Alkitab Singog In Mongondow Masa In Tanaa

¹⁴ Kon tungkuḷ in singgai mosia kokoḷoban in sindip, mongokap naonda bo doḷom.

AYUB 5:14 ပူးပေါင်းရင်းမြစ်များ

AYUB 12:25

Mosia in mongokap kon bonu in sindip, bo noikuyung mako naonda bo intau noḷoḷangu in oinumon.

AYUB 15:30

Sia in diábí moiḷagui kon sindip; tuḷú in momokakbí kon tokatnea mita. Moputúbí in sia in tompot nongkon bibig i Allah.

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 20:26

Norimumudon in bayongan kapunyaan inta sinagúnea; sia takin bayongan in motoḷuadínea kinaan in tuḷú inta deeman pinoyongkit in intau.

AYUB 22:11

Singgai in modugangdon mosindip, diádon in iko mokoontong; noḷomot in iko in inuntag in dunuk inta motoyang.

AYUB 24:13

Oyúon in intau mita inta doí motarima kon bayag bo mosaturu, diábí kinotaauan monia bo doíbí dumudui kon daḷannea.

AYUB 38:15

Bayag in singgai moiḻiu in bayag kon intau inta diá kotuhan, bo nonahang kon i monia mogaid kon inta moraat.

IḶUAIAN 10:21

Ki Tuhan noguman kon i Musa, “Tonggódon in ḻimamu, dá butá in Mesir in simindipdon totok.”

IḶUAIAN 10:22

Sinonggó domandon i Musa in ḻimanea, bo kon bonu in toḷu nosinggai bayongan butá in Mesir sinimindipdon totok.

YESAYA 59:10

Kami in mongokap naonda bo intau bilog; kon noutu in singgai kami in moipintud naonda bo moonggot kon doḷom; kon yuak in intau nobiag kami in naonda bo intau minatoi.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.