AYUB 41:32 - Alkitab Singog In Mongondow Masa In Tanaa

³² Sia in nonaḷámai kon ḻiod in sioḷ inta monindar, dagat binaḷuiannea nobaḻí burá inta mobudó in batangannea.

AYUB 41:32 ပူးပေါင်းရင်းမြစ်များ

KINOBAḺIAN 1:2

dunia naa in diápa notompiamai, bo diápa doman in tombonunea, nosindipabí komintan, bo Roho i Allah in maya-mayá mako kon tudu in tubig.

KINOBAḺIAN 15:15

Iko tontaní moumur in kobiaganmu, bo matoi takin pia in gina, bo ḷobongon.

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

AYUB 28:14

Gantog mita in dagat bo baḷangon in moguman kon hikmat in diábí in kon inia.

AYUB 38:16

Nokoimontandon degá in iko in noponag kon anor in dagat, noyayú nongkon apadnea? Nokoimontandon degá in iko in minaya-mayá kon taḷog in baḷangon?

AYUB 38:30

Ki ine in nogaid kon tubig nobaḻí batu, bo nopomia tudu in dagat nobaḻí notogat?

AYUB 41:31

Dagat kinauinea dá naonda bo tubig modidí; naonda bo pansi pinodungúan kon ḷana inta mogoḷagak.

AYUB 41:33

Kon tudu in butá diábí in mokotaḷow kon inia; mahaḷuk inta diábí koondok, tuata in sia!

AMSAL 16:31

Intau mojujur in ogoianbí in umur moḷanggó; ubannea in naonda bo mahkota inta mopouḻi-uḻinag.

AMSAL 20:29

Intau moguodpa in ponango-nangoian popisí in ropotnea, bo guyanga in horomaton popisí in ubannea.