AYUB 41:10 - Alkitab Singog In Mongondow Masa In Tanaa

¹⁰ Rumogi in sia aka guḷungon kon siugnea; diábí tobatúmai intau in mokobaḻí simindog kon tayowonnea.

AYUB 41:10 ပူးပေါင်းရင်းမြစ်များ

KINOBAḺIAN 49:9

Ki Yohuda naonda bo singa batánea; sia in moḻimod kon kokaanonnea bodongka bui mayá kon dumunnea; sia momuḻikai bodongka umuḻid, bo diá tobatúmai intau mokobaḻí monuyayow kon inia.

AYUB 3:8

Ei intau mita inta mongongundam bo inta monompia kon Lewiatan, dantugaidon in singgai tua pongin ibot bo kutukan;

AYUB 3:9

dika modapot in tundi pariama monindar, dika pomayá mako in sindar doḷo-doḷom monindar! Biódon mako in doḷom tua diá in mangaḻe in pogoḷatan kon koangoian in singgai bo kamang inta mobagu.

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

AYUB 41:9

Bayongan in intau inta mokoontong kon Lewiatan, in mobaḻíbí moḻemé bo moumpag togopuḷongon.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

YEREMIA 12:5

Ki Tuhan in noguman, “Yeremia, aka iko in moḷopídon in motanding takin intau, yo umpaka dá iko in motanding in kabaḷo? Aka kon butá inta moaman iko moondok, yo onu in aidanmu aka iko kon kayuon modingungui kon bingkí in Yordan?

YEREMIA 49:19

Naonda bo singa inta noitukat magí nongkon kayuon moromon kon diug in Ongkag in Yordan bo namangoi in rawang pinopokaanan kon domba, natuata in Akuoi mamangoi bo baḻíon-Ku in intau in Edom baḷú moḷagui nongkon butá monia. Bo piḻíon-Ku in itoi tobatú sin momarenta kon bangusa tatua. Ki ine degá in motaau potongkaion kon i-Nakó? Ki ine in mokobaḻí mopelekara takin-Ku? Degá oyúon in itoi in motaau moḷawang kon i-Nakó?

YEREMIA 50:44

Naonda bo singa inta noitukat nongkon kayuon noromon kon diug in Ongkag in Yordan bo namangoi in rawang popokaanan in domba, natuata in Akuoi, ki Tuhan, in mamangoi bo mopobaḻí kon intau in Babel daḻí moḷagui nongkon kotá monia. Bo Akuoi in momiḻí kon itoi tobatú sin momarenta kon bangusa tatua. Ki ine in motaau popotongkaian kon i-Nakó? Ki ine in mokobaḻí mopelekara takin-Ku? Oyúon degá in itoi in mokoḷawang kon i-Nakó?

PINOGIAPAN 24:9

Bangusa tatua naonda bo singa koḷakian bo singa kobaayan, inta tumongkob bo umuḻid. Ki ine in mokobaḻí mopobangon kon inia? Poigumon mako intau inta momarakat kon inimu in barakatan doman, bo intau inta mongutuk kon inimu in kutukon doman.”

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?