AYUB 40:12 - Alkitab Singog In Mongondow Masa In Tanaa

¹² Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

AYUB 40:12 ပူးပေါင်းရင်းမြစ်များ

AYUB 36:20

Dikabí monanob kon doḷom mosindip, wakutuneadon bangusa mita moyopú bo moinggamá.

MAZMUR 60:12

O Allah, diá degá in Iko noyotakin nami? Diá degá in Iko mayá moparang takin tontara nami?

MAZMUR 94:2

Sindogdon, o Hakim in sinangkub in dunia, hukumdon in intau mododia podudui in aid monia.

AMSAL 15:25

Ki Tuhan in mogumpagbí kon baḷoi in intau inta motosiḷantud, táe butá in intau boba-bobay ḷukadan-Nea.

MOHOHUTUBA 11:3

Moumpagkabí naonda in pangkoi in kayu tatua, yo umuranbí doman moobat kon tampat koumpagannea. Aka goḷom mopuḻingdon in tubig, yo uyan in morogotbí doman totok in moḷabú kon butá.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 22:19

Tuamai iko in pogogaion-Kudon nongkon oaidanmu bo poponag-Ku nongkon ḷoḻitúanmu inta moḷantud.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 63:3

“Tongá Aku-Akuoi mita in sinumuot kon pomomugutan kon anggur kon sigad in umat-Ku diá in notuḷung kon i-Nakó. Bangusa mita irita-ritakan-Ku kon bonu in torú-Ku, naonda bo noritak kon bungai in anggur. Dugú monia in noitoput nomuntad kon ḷambung-Ku, nokokotor kon bayongan in pakeang-Ku.

YEREMIA 48:29

Mododia totok in moiko! Dinongog-Kudon kon totuu moḷoḷatú, motosiḷantud, mokaḷakuang, bo moambungangaḷ in moiko!

DANIEL 4:24

Tuangku, naa in mangaḻe in oontongon tatua, bo naadon in inta ain sinantú i Allah Inta Totok in moḷantud kon i Tuangku tontaní.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

ZAKHARIA 10:5

Intau mita in Yohuda in mountungbí naonda bo pojuang mita inta moruntai kon musung naonda bo yoná kon daḷan. Mosia in totokbí in moḷongasi popisí in Akuoi, ki Tuhan in moduḷu kon i monia, bo tontara in musung inta sinumakoi kon kabaḷo in taḷowonbí monia komintan.

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.